Main Page
19 | 02 | 2018
ស្វែងរក
មាតិកាសំខាន់ៗ

Developed in conjunction with Ext-Joom.com

សមាជិកព្រឹទ្ធសភា

Developed in conjunction with Ext-Joom.com

ថ្នាក់ដឹកនាំអគ្គលេខាធិការ

Developed in conjunction with Ext-Joom.com

Login Form

ប្រកាសព័ត៌មាន
គណៈកម្មការ
ព័ត៌មានថ្មីៗរបស់អគ្គលេខាធិការដ្ឋាន
រដ្ឋសភាជាតិ
NEC
NEC
Asean
UNDP
ICT Global Centre
IPU
AIPA
APF
PIC
Ireon Portal

គណៈប្រតិភូគណៈកម្មការទី៣ព្រឹទ្ធសភា ចុះសិក្សាឈ្វេងយល់និងសម្រង់ព័ត៌មានពាក់ព័ន្ធទៅនឹងវិស័យជាសមត្ថកិច្ចរបស់គណៈកម្មការ នៅខេត្តកែប

អ្នកប្រើប្រាស់​វាយតម្លៃ៖  / 0
CM3-28-03-2014-2 CM3-28-03-2014-1
នាព្រឹកថ្ងៃទី២៧ ខែមីនា ឆ្នាំ២០១៤ នៅសាលប្រជុំសាលាខេត្តកែប គណៈប្រតិភូគណៈកម្មការផែនការ វិនិយោគ កសិកម្ម ធនធានទឹក ឧតុនិយម អភិវឌ្ឍន៍ជនបទ និងបរិស្ថាន ហៅកាត់គណៈកម្មការទី៣ព្រឹទ្ធសភា ដឹកនាំដោយឯកឧត្តម ម៉ុង ឬទ្ធី ប្រធានគណៈកម្មការ បានអញ្ជើញដឹកនាំគណៈប្រតិភូ គណៈកម្មការទី៣ព្រឹទ្ធសភា ជួបពិភាក្សាការងារជាមួយនឹងអាជ្ញាធរ ខេត្តកែប ដឹកនាំដោយឯកឧត្តម កែន សេត្ថា អភិបាលនៃគណៈអភិបាលខេត្ត ដើម្បីសិក្សាឈ្វេងយល់ និងសម្រង់ព័ត៌មានពាក់ព័ន្ធ ទៅនឹងវិស័យជាសមត្ថកិច្ចរបស់គណៈកម្មការ។
ក្រោយពីបានស្តាប់ប្រសាសន៍រាយការណ៍របស់ឯកឧត្តម កែន សេត្ថា អភិបាលនៃគណៈអភិបាលខេត្តកែប និងបញ្ហាប្រឈមនានារបស់ខេត្តកែបដែលអាជ្ញាធរខេត្តបានលើកឡើងរួចមក ឯកឧត្តម ម៉ុង ឬទ្ធី ប្រធានគណៈកម្មការទី៣ព្រឹទ្ធសភា បានមានប្រសាសន៍ថា គោលបំណងនៃកិច្ចប្រជុំនេះគឺដើម្បីសិក្សាឈ្វេងយល់ អំពីដំណើរការនៃការអភិវឌ្ឍរបស់ឃុំ សង្កាត់ ស្រុក ខណ្ឌមួយចំនួនក្នុងខេត្តកែប ដំណើរការក្នុងការផ្សព្វផ្សាយច្បាប់ និងលិខិតបទដ្ឋានគតិយុត្ត និងដំណើរការវិស័យដែលពាក់ព័ន្ធ នឹងសមត្ថកិច្ចរបស់គណៈកម្មការទី៣ព្រឹទ្ធសភា ។
ឯកឧត្តម បានមានប្រសាសន៍បន្តថា ក្រោយពីទទួលបានទិន្នន័យអំពីភាពងាយស្រួលនិងភាពលំបាកនៃការ អភិវឌ្ឍលើវិស័យជាសមត្ថកិច្ចរបស់គណៈកម្មការ និងព័ត៌មានអំពីកម្រិតនៃការចូលរួមរបស់ស្ត្រីក្នុងការអភិវឌ្ឍ មូលដ្ឋាន គោលនយោបាយបញ្ជ្រៀបយេនឌ័រ និងសមភាពយេនឌ័រគឺដើម្បីកសាងបាននូវទំនាក់ទំនង ភាពជិតស្និតរវាងស្ថាប័នព្រឹទ្ធសភា ជាមួយនឹងរដ្ឋបាលថ្នាក់ក្រោមជាតិព្រមទាំងរៀបចំចងក្រងជាសៀវភៅរបាយការណ៍ ព័ត៌មានសម្រាប់សិក្សា ស្រាវជ្រាវអំពីការអភិវឌ្ឍការរីកចម្រើនបញ្ហាប្រឈមដែលទាក់ទងទៅនឹងគោលនយោបាយរបស់ រាជរដ្ឋាភិបាល និងដាក់ជូនគណៈកម្មាធិការអចិន្រ្តៃយ៍ព្រឹទ្ធសភាជ្រាប។ជាមួយគ្នានេះដែរគណៈប្រតិភូក៏ បានវាយតម្លៃខ្ពស់ដល់ថ្នាក់ដឹកនាំខេត្តកែបដែលខិតខំប្រឹងប្រែងក្នុងដឹកនាំការអភិវឌ្ឍខេត្តទទួលបានជោគជ័យ ជាបន្តបន្ទាប់ ហើយគណៈប្រតិភូគណៈកម្មការទី៣ ព្រឹទ្ធសភា ក៏បានផ្តល់នូវអនុសាសន៍មួយចំនួនជូន អាជ្ញាធរខេត្តកែប គប្បីគួពិនិត្យទៅលើការទាក់ទាញ វិនិយោគិន ដើម្បីវិនិយោគលើវិស័យនានាក្នុងខេត្ត ជាពិសេសវិស័យទេសចរណ៍ ដែលជាវិស័យមួយ អទិភាពក្នុងខេត្តកែប និងបន្តអនុវត្តគោលនយោបាយ ទីក្រុងស្អាតដើម្បីទាក់ទាញភ្ញៀវទេសចរណ៍ឲ្យមានការកើនឡើងបន្ថែមទៀត៕

អត្ថបទ និងរូបភាព ៖ នាយកដ្ឋានព័តមាន

ឯកឧត្តមបណ្ឌិត ម៉ុងឫទ្ធី ប្រធានគណៈកម្មការទី៣ព្រឹទ្ធសភាបានអនុញ្ញាតឲ្យគណៈប្រតិភូរដ្ឋសភានៃរាជាណាចក្រជប៉ុន ចូលជួបពិភាក្សាការងារ

អ្នកប្រើប្រាស់​វាយតម្លៃ៖  / 0
com3_21_01_2014_1 com3_21_01_2014_2
នារសៀលថ្ងៃទី១៦ខែមករា ឆ្នាំ២០១៤ នៅសាលប្រជុំពិសេស វិមានព្រឹទ្ធសភា ឯកឧត្តមបណ្ឌិត ម៉ុងឫទ្ធី ប្រធានគណៈកម្មការទី៣ព្រឹទ្ធសភាបានអនុញ្ញាតឲ្យគណៈប្រតិភូរដ្ឋសភានៃរាជាណាចក្រជប៉ុន ដឹកនាំដោយឯកឧត្តម Hashimoto Hidenoriសមាជិករដ្ឋសភាចូលជួបពិភាក្សាការងារដែលពាក់ព័ន្ធទៅនឹងវិស័យជាសមត្ថកិច្ចរបស់គណៈកម្មការទី៣
ព្រឹទ្ធសភាដោយមានការអញ្ជើញចូលរួមពីសំណាក់ឯកឧត្តមសាស្ត្រាចារ្យបណ្ឌិត ម៉ែន ស៊ីផាន់អនុប្រធាន និងឯកឧត្តមសាស្ត្រាចារ្យបណ្ឌិត ចាន់ ណារ៉េតលេខាធិការគណៈកម្មការទី៣ព្រឹទ្ធសភា។
ឯកឧត្តមបណ្ឌិតម៉ុងឫទ្ធី ប្រធានគណៈកម្មការទី៣ព្រឹទ្ធសភា បានមានប្រសាសន៍ថាក្រោយពីប្រទេសកម្ពុជាឆ្លងកាត់ សង្គ្រាមជាច្រើនឆ្នាំប្រទេសកម្ពុជាទទួលរងនូវការខូតខាតយ៉ាងធ្ងន់ធ្ងរហើយប្រទេសកម្ពុជាត្រូវការដៃគូរ
ក្នុងការស្តារនិងអភិវឌ្ឍនូវហេដ្ឋារចនាសម្ព័ន្ធរូបបវន្តជាច្រើន។តាមរយៈការរឹតចំណងមិត្តភាពសាមគ្គីភាព និងកិច្ចសហប្រតិបត្តិ-ការយ៉ាងល្អរវាងប្រទេសទាំងពីរកម្ពុជា-ជប៉ុន ប្រទេសជប៉ុនបានរួមចំណែកស្តារនិងអភិវឌ្ឍប្រទេសកម្ពុជាជាច្រើន ដូចជា ស្ពានជ្រោយចង្វា ស្ពានគីសូណាការកសាងឡើងវិញផ្លូវជាតិលេខ១ និងការស្តារនូវប្រព័ន្ធរំដោះទឹកនៅរាជធានីភ្នំពេញជាដើម​។
ឯកឧត្តមបណ្ឌិតបានមានប្រសាសន៍បន្តថាដោយមានការរីកចម្រើនយ៉ាងរហ័សនូវវិស័យមួយចំនួនព្រះរាជាណាចក្រ កម្ពុជាជួបប្រទះនូវបញ្ហាកង្វះនូវថាមពលអគ្គិសនីសម្រាប់ប្រើប្រាស់ហើយជាពិសេសប្រទេសកម្ពុជាពឹងផ្អែកលើវិស័យ កសិកម្មហេតុដូចនេះប្រទេសកម្ពុជាសង្ឃឹមថាក្នុងកិច្ចសហប្រតិបត្តិការល្អជាមួយនឹងជប៉ុន នឹងជួយគាំទ្រលើវិស័យ ទាំងនេះដើម្បីឲ្យប្រទេសកម្ពុជា ទទួលបាននូវការអភិវឌ្ឍកាន់តែប្រសើរឡើង។
ឯកឧត្តម Hashimoto Hidenoriសមាជិករដ្ឋសភាជប៉ុន បានមានប្រសាសន៍បន្តថាគោលបំណងនៃកិច្ចពិភាក្សា នាពេលនេះ គឺដើម្បីផ្សាភ្ជាប់ប្រទេសកម្ពុជាជាមួយនឹងប្រទេសជប៉ុន ដើម្បីអភិវឌ្ឍលើការរហោះហើរត្រង់ពីប្រទេស ជប៉ុនមកកាន់ប្រទេសកម្ពុជា និងវិនិយោគសាងសង់ព្រ លានយន្តហោះថ្មីនៅខេត្តកំពង់ឆ្នាំងព្រមទាំងសិក្សាទៅលើ គម្រោងសាងសង់ផ្លូវដែកនៅព្រះរាជាណាចក្រកម្ពុជា​ផងដែរ។
ឯកឧត្តមបានមានប្រសាសន៍ថា ដោយមានកិច្ចសហប្រតិបត្តិការល្អរវាងប្រទេសជប៉ុន-កម្ពុជាដែលជាទំនាក់ទំនង ប្រវត្តិសាស្ត្រយូរណាស់មកហើយប្រទេសជប៉ុនបានជួយគាំទ្រនឹងផ្តល់នូវជំនួយជាច្រើនដល់ប្រទេសកម្ពុជា រួមមានជំនួយឥតសំណង និងជំនួយមានការប្រាក់ទាបព្រមទាំងការគាំទ្រលើការអភិវឌ្ឍវិស័យផ្សេងៗទៀត។
ឯកឧត្តមបានមានប្រសាសន៍បន្ថែមថាចំពោះការប្រើប្រាស់ថាមពលវិញ នៅប្រទេសជប៉ុន ប្រើប្រាស់ថាមពលដោយប្រើពន្លឺព្រះអាទិត្យ និងថាមពលប្រើដោ​យកង្ហារខ្យល់ដោយឡែកចំពោះការសាងសង់រោងចក្រដោយប្រើ ថាមពលអគ្គិសនីគឺប្រើប្រាស់ពេលវេលាយូរណាស់គឺចាប់ពី២០ទៅ៣០ឆ្នាំហេតុដូចនេះប្រទេសជប៉ុននឹង
ត្រៀមពិភាក្សាការងារជាមួយនឹងវិនិយោគគិនជប៉ុនដើម្បីជួយគាំទ្រនិងធ្វើការវិនិយោគនៅ
ព្រះរាជាណាចក្រកម្ពុជាដើម្បីឲ្យការប្រើប្រាស់ថាមពលនៅព្រះរាជាណាចក្រកម្ពុជាកាន់តែប្រសើរឡើង៕

អត្ថបទ៖នាយកដ្ឋានព័ត៌មាន
រូបភាព៖នាយកដ្ឋានព័ត៌មានវិទ្យា

ឯកឧត្តមបណ្ឌិត ម៉ុង ឫទ្ធី ប្រធានគណៈកម្មការទី៣ព្រឹទ្ធសភា អនុញ្ញាតឲ្យគណៈប្រតិភូរដ្ឋសភានៃរាជាណាចក្រជប៉ុន ចូលជួបពិភាក្សាការងារ

អ្នកប្រើប្រាស់​វាយតម្លៃ៖  / 1
com3_16-01-2014-1 com3_16-01-2014-2
នារសៀលថ្ងៃទី១៦ ខែមករា ឆ្នាំ២០១៤ នៅសាលប្រជុំពិសេស វិមានព្រឹទ្ធសភា ឯកឧត្តមបណ្ឌិត ម៉ុង ឫទ្ធី ប្រធានគណៈកម្មការទី៣ព្រឹទ្ធសភា បានអនុញ្ញាតឲ្យគណៈប្រតិភូរដ្ឋសភានៃរាជាណាចក្រជប៉ុន ដឹកនាំដោយឯកឧត្តម Hashimoto Hidenori សមាជិករដ្ឋសភា ចូលជួបពិភាក្សាការងារដែលពាក់ព័ន្ធទៅនឹងវិស័យជាសមត្ថកិច្ចរបស់ គណៈកម្មការទី៣ព្រឹទ្ធសភា ដោយមានការអញ្ជើញចូលរួមពីសំណាក់ឯកឧត្តមសាស្ត្រាចារ្យបណ្ឌិត ម៉ែន ស៊ីផាន់ អនុប្រធាន និងឯកឧត្តមសាស្ត្រាចារ្យបណ្ឌិត ចាន់ ណារ៉េត លេខាធិការគណៈកម្មការទី៣ព្រឹទ្ធសភា។

អាន​បន្ត៖ ឯកឧត្តមបណ្ឌិត ម៉ុង ឫទ្ធី...

ឯកឧត្តមបណ្ឌិតម៉ុង ឫទ្ធី ប្រធានគណៈកម្មការទី៣នៃព្រឹទ្ធសភា អញ្ជើញជាអធិបតីក្នុងពិធីមិទ្ទិញជួបជុំបុគ្គលិក កម្មករ និងប្រជាពលរដ្ឋ

អ្នកប្រើប្រាស់​វាយតម្លៃ៖  / 0
cm3-03-01-2014-3-1 cm3-03-01-2014-3-2
កាលពីរសៀលថ្ងៃទី១ ខែមករា ឆ្នាំ២០១៤ ឯកឧត្តមបណ្ឌិតម៉ុង ឫទ្ធី ប្រធានគណៈ-កម្មការទី៣នៃព្រឹទ្ធសភា បានអញ្ជើញជាអធិបតីក្នុងពិធីមិទ្ទិញជួបជុំបុគ្គលិក កម្មករ ប្រជាពលរដ្ឋនាដំណាច់ឆ្នាំ២០១៣ នៅភូមិឫទ្ធី១

អាន​បន្ត៖ ឯកឧត្តមបណ្ឌិតម៉ុង ឫទ្ធី...

ឯកឧត្តមបណ្ឌិតម៉ុង ឫទ្ធី ប្រធានគណៈកម្មការទី៣នៃព្រឹទ្ធសភា អញ្ជើញដឹកនាំគណៈប្រតិភូអង្គការគ្រូពេទ្យសង្គ្រោះអន្តរជាតិ(International Medical Relief) ចុះទៅពិនិត្យនិងព្យាបាលជំងឺជូនប្រជាពលរដ្ឋ

អ្នកប្រើប្រាស់​វាយតម្លៃ៖  / 0
com3_3_1_2014_1 com3_3_1_2014_2
កាលពីព្រឹកថ្ងៃទី២ ខែមករា ឆ្នាំ២០១៤ឯកឧត្តមបណ្ឌិតម៉ុង ឫទ្ធី ប្រធានគណៈកម្ម-ការទី៣នៃព្រឹទ្ធសភា បានដឹកនាំ គណៈប្រតិភូអង្គការគ្រូពេទ្យសង្គ្រោះអន្តរជាតិ(International Medical Relief)ចុះទៅពិនិត្យនិងព្យាបាលជំងឺ ជូនប្រជាពលរដ្ឋដោយឥតគិតថ្លៃ នៅតំបន់អភិវឌ្ឍន៍កែវផុសឃុំកែវផុសស្រុកស្ទឹងហាវខេត្តព្រះសីហនុ។

អាន​បន្ត៖ ឯកឧត្តមបណ្ឌិតម៉ុង ឫទ្ធី...

អត្ថបទផ្សេងទៀត គណៈកម្មការទី៣
...........