ព័ត៌មានថ្មី​ ថ្នាក់ដឹកនាំ

សេចក្តីជូនដំណឹងស្តីពី កិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា នាថ្ងៃទី២២ ខែតុលា ឆ្នាំ២០១៨
គណៈប្រតិភូព្រឹទ្ធសភានៃព្រះរាជាណាចក្រកម្ពុជា ដឹកនាំដោយឯកឧត្តមស៉ឹម កា អនុប្រធានទី១នៃព្រឹទ្ធសភា បានអញ្ជើញដាក់គម្រងផ្កា គោរពវិញ្ញាណក្ខន្ធ​ ព្រះករុណាព្រះបាទសម្តេច
គណៈប្រតិភូព្រឹទ្ធសភាបានអញ្ជើញធ្វើមាតុភូមិនិវត្តន៍មកកាន់មាតុប្រទេសវិញ នៅអាកាសយានដ្ឋានអន្តរជាតិភ្នំពេញ បន្ទាប់ពីបានចូលរួមក្នុងប្រជុំលើកទី៣ នៃប្រធានសភាអឺរ៉ុប-អាស៊ី

sn-leader-05-12-2012-1

senate-5-12-2012_2 senate-5-12-2012_2

ឯកឧត្តម សាយ ឈុំ អញ្ជើញចែកប័ណ្ណកម្មសិទ្ធិដីធ្លីជូនប្រជាពលរដ្ឋ នៅខេត្តកំពង់ស្ពឺ នាព្រឹកថ្ងៃទី០៤ ខែធ្នូ ឆ្នាំ២០១២

កាលពីព្រឹកថ្ងៃទី០៤ ខែធ្នូ ឆ្នាំ២០១២ ឯកឧត្តម សាយ​ ឈុំ ប្រធានស្តីទីព្រឹទ្ធសភា និងជាតំណាង​សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បាន អញ្ជើញជាអធិ បតីក្នុងពិធីសំណះសំណាល និងចែកប័ណ្ណកម្មសិទ្ធិដីធ្លីជូនប្រជាពលរដ្ឋចំនួន៦០៩គ្រួសារ នៅឃុំត្រាចទង ស្រុកឧដុង្គ ខេត្តកំពង់ស្ពឺ ដែលមានការអញ្ជើញចូលរួមពីសមាជិក សមាជិកាព្រឹទ្ធសភា ថ្នាក់ដឹកនាំគ្រប់លំដាប់ថ្នាក់ក្នុងខេត្ត ក្រុមយុវជនស្ម័គ្រចិត្តសម្តេចតេជោ និងប្រជាពលរដ្ឋដែលត្រូវទទួលប័ណ្ណកម្មសិទ្ធដីធ្លី។

ឯកឧត្តម សត្យា វុធ អភិបាលរងនៃគណៈអភិបាលខេត្តកំពង់ស្ពឺបានមានប្រសាសន៍ថាក្នុងការ​អនុវត្តគោលនយោបាយចាស់សកម្មភាពថ្មីលើវិស័យដីធ្លី ខេត្តបាន យកចិត្តទុកដាក់ចាត់តាំងអនុវត្ត ជំរុញ សម្រប​សម្រួល និងដោះស្រាយ​ការលំបាកនានា ធានាឲ្យសកម្មភាពទាំងឡាយបានប្រព្រឹត្តទៅដោយរលូន និងទទួលបាន​លទ្ធផលល្អប្រសើរ។ ជាមួយគ្នានេះដែរ បើគិតត្រឹមថ្ងៃទី២២ ខែវិច្ឆិកា ឆ្នាំ២០១២ លទ្ធផលដែល​សម្រេច​បានរួមមាន ប្រកាសតំបន់វិនិច្ឆ័យ ចំនួន១៩ឃុំ បំពេញ សលាកប័ត្រព័ត៌មានចំនួន ២៥.៣៥៧ក្បាលដី បញ្ជូន​សម្រង់បញ្ជីឈ្មោះម្ចាស់ដីបានចំនួន ២៤.១០៨គ្រួសារ។ ចំនួនគ្រួសារក្រោយការផ្ទៀងផ្ទាត់រួចមាន ១៧.៤៤៨​គ្រួសារ កំណត់ព្រំ និងវាស់វែងក្បាលដីនីមួយៗគិតជាក្បាលដីបានចំនួន ២៤.៩០៧ក្បាលដី ក្បាលដីដែល​បានគូររួចមាន ចំនួន២១.៣៣២​ក្បាលដី ទំហំក្បាលដីបានគូររួចគិតជាហិកតាមានចំនួន១៩.៤៦៧ហិកតា បំពេញទម្រង់បែបបទចំនួន ២១.៣៦៨ក្បាលដីបានបិទផ្សាយរយៈពេល៣០ថ្ងៃគឺចាប់ពីថ្ងៃទី២៣ ខែតុលា ដល់ថ្ងៃទី២១ ខែវិចិ្ឆកា ឆ្នាំ​២០១២ ចំនួន០១គោលដៅ ឃំុត្រាចទង មានចំនួន ៨០៩ក្បាលដី ស្មើនឹង ៧០៧,៩៦​ហិកតា ក្នុងនោះមានដីឯកជន ចំនួន៧៩៦ក្បាលដី ដីស្នាក់ការភូមិ០១ក្បាលដី ដីស្រះរួមភូមិ០៣ក្បាលដី។

ឯកឧត្តម អភិបាលរងនៃគណៈអភិបាលខេត្តបានមានប្រសាសន៍បន្តថាក្រៅពីការអនុវត្តភារកិច្ចស្នូល ខាងលើនេះ ក្រុមវិរយុវនិស្សិតស្ម័គ្រចិត្តសម្តេចតេជោ បានចូល រួមអនុវត្ត កិច្ចការសង្គមមួយ ចំនួនទៀតដូចជា ការជួយ​ជនក្រីក្រ ឧបត្ថម្ភវត្តអារាម ជួយដកស្ទូងប្រជាពលរដ្ឋ ដាំដើមឈើ និងបានចូលរួមបើកបវេសន កាលជាមួយ នឹងប្អូនៗ នៅ​តាមសាលាស្ថិតនៅជិត នឹងទីតាំងក្នួយៗ អនុវត្តការងារថែមទៀត។

មានប្រសាសន៍ក្នុងពិធីចែកប័ណ្ណកម្មសិទ្ធិដីធ្លីជូនប្រជាពលរដ្ឋនាឱកាលនោះ ឯកឧត្តម សាយ ឈំុ ប្រធានស្តីទី​ព្រឹទ្ធសភា បានកោតសរសើរ និងវាយតម្លៃខ្ពស់ ចំពោះការខិតខំប្រឹងប្រែង បញ្ចេញ អស់កម្លាំងកាយ ចិត្ត និងប្រាជ្ញា របស់ព្រះសង្ឃនៅតាមវត្តអារាមនានា ក្មួយៗក្រុមយុវជនស្ម័គ្រចិត្តសម្តេចតេជោ ប្រជាពលរដ្ឋ និងអាជ្ញាធរខេត្ត​គ្រប់លំដាប់ថ្នាក់ ដែលបានអនុវត្តផ្ទាល់ផង និង ការចូលរួម បង្កលក្ខណៈអនុវត្តនូវគោលនយោបាយចាស់ សកម្មភាពថ្មីលើវិស័យដីធ្លី របស់រាជ រដ្ឋាភិបាល រហូតទទួលបានជោគជ័យ ស្របតាមការដឹកនាំដ៏​ត្រឹមត្រូវរបស់សម្តេចអគ្គមហាសេនា បតីតេជោ ហ៊ុន សែននាយករដ្ឋមន្រ្តីនៃព្រះរាជាណាចក្រកម្ពុជា និង​ស្របតាមសំណូមពរដ៏ពិសិដ្ឋរបស់ប្រជាពលរដ្ឋ។ ទន្ទឹមនឹងការខិតខំប្រឹងប្រែងខាងលើនេះ បានធ្វើឲ្យខេត្តកំពង់ស្ពឺ ទាំងមូលប្រែមុខ មាត់ថ្មីពីមួយឆ្នាំទៅ​មួយឆ្នាំ។

ឯកឧត្តម ប្រធានស្តីទីព្រឹទ្ធសភា បានមានប្រសាសន៍ថា បេសកកម្មរបស់ក្មួយៗក្រុមយុវនិស្សិត នាពេល នេះគឺជាកាយវិ​ការគំរូមួយសម្រាប់ឲ្យយុវនិស្សិត ជំនាន់ ក្រោយៗទៀតអនុវត្តតាម។ រាជរដ្ឋាភិបាល ប្រជាពលរដ្ឋ នឹងចារឹកទុកនូវស្នាដៃ និងវីរភាពរបស់ក្មួយៗក្រុមយុវនិស្សិតទាំងអស់ទុកជាប្រវត្តិសម្រាប់អប់រំ រៀនសូត្រ ដល់ កូនចៅជំនាន់ក្រោយៗទៀត។ឯកឧត្តមជឿជាក់ថាក្រោយ ពីការចុះបំពេញបេសកកម្មដ៏ថ្លៃថ្លានាពេលនេះក្មួយៗក្រុមយុវជនស្ម័គ្រចិត្តសម្តេចតេជោ នឹងត្រូវបាន​ផ្សារភ្ជាប់ខ្លួនរួមសុខរួមទុក្ខជាមួយនឹងប្រជាជនក្រីក្រនៅ​តាមជនបទ និងផ្សារភ្ជាប់រវាងចំណេះដឹង ដែលបានរៀនសូត្រ​នៅក្នុងសាលាជាមួយ​នឹងការប្រតិបត្តិ​ជាក់​ស្តែង។

ឯកឧត្តមប្រធានស្តីទីព្រឹទ្ធសភា ក៏បានផ្តាំផ្ញើដល់ក្មួយៗក្រុមយុវជនស្ម័គ្រចិត្តសម្តេចតេជោ ត្រូវសិក្សា ស្វែងយល់អំពីប្រវត្តិរបស់ទីតាំងដែលខ្លួនបានទៅដល់ និងខិតខំក្រេបជញ្ជក់ យកចំណេះដឹង ចំណេះធ្វើដើម្បី បំេពញភារកិច្ចរបស់ខ្លួនឲ្យ​ទទួលបានជោគជ័យ ក្នុងពេលអនុវត្តការងារ។

ឯកឧត្តមប្រធានស្តីទីព្រឹទ្ធសភា បានមានប្រសាសន៍បន្តថា ការចែកប័ណ្ណកម្មសិទ្ធជូន​ប្រជាពលរដ្ឋនា  ពេល​នេះគឺមានអត្ថន័យជ្រាលជ្រៅណាស់ អាចនិយាយ​បានថា យើងអាចដោះស្រាយបាន នូវទំនាស់ដីធ្លី ឬការ​កាន់​កាប់​ដីមិនប្រក្រតី ដែលជាផលអវិជ្ជមានប៉ះពាល់ដល់ជីវភាពរស់នៅ និងមុខរបរអាជីវកម្មរបស់​ប្រជាពលរដ្ឋ។ជាងនេះទៅទៀតការចែកប័ណ្ណកម្មសិទ្ធជូនប្រជាពលរដ្ឋ បានបង្កលក្ខណៈល្អប្រសើរដើម្បីឲ្យប្រជាពលរដ្ឋក្លាយជាម្ចាស់ដីពេញលក្ខណៈ ដែលត្រូវ​បាន​ការពារ និងធានាដោយរដ្ឋ ​រដ្ឋ​ធម្មនុញ្ញ ច្បាប់ និងលិខិតបទដ្ឋានក្រោម​ច្បាប់។

ជាមួយគ្នានោះដែរឯកឧត្តមប្រធានស្តីទីព្រឹទ្ធសភា ក៏បានសំណូមពរដល់ប្រជាពលរដ្ឋទាំងអស់ក្រោយពីបានទទួលសិទ្ធិកាន់កាប់ដីធ្លីរួចហើយ ទី១-ក្រោយពីទទួលបានកម្មសិទ្ធដីធ្លីរួចហើយ សូមយកដីដែលយើងមាននេះទៅបង្កបង្កើនផលឲ្យអស់សក្តានុពល ដើម្បីជាគុណប្រយោជន៍ក្នុងការបង្កើនចំណូលក្នុងគ្រួសារផង រួមចំណែកក្នុងការកាត់បន្ថយ ភាពក្រីក្រផង និងរួមចំណែក ក្នុងការកសាង និងអភិវឌ្ឍសេដ្ឋកិច្ចជាតិផង ទី២-ការទទួលបានប័ណ្ណកម្មសិទ្ធដីធ្លីនាពេលនេះគឺជាការទទួលមរតកពីសម្តេចតេជោ ដូច្នេះត្រូវថែរក្សាឲ្យបានគង់វង្ស ជាពិសេសកំុយកទៅលក់ ដើម្បីទុកជាមរតកដល់កូនចៅជំនាន់ក្រោយៗទៀត ទី៣-សូមកុំទៅរុករាន ឬទន្រ្ទានដីរបស់រដ្ឋផ្សេងៗទៀត ពីព្រោះទង្វើបែបនេះគឺជាទង្វើខុសច្បាប់ ទី៤-ការប្រគល់ប័ណ្ណកម្មសិទ្ធិដីធ្លីនេះ គឺជាការប្រគល់ដោយមិនប្រកាន់និន្នាការនយោបាយ ដើម្បីឲ្យប្រជាពលរដ្ឋមានដីក្នុងការបង្កបង្កើនផល ទ្រទ្រង់ ជីវភាព និងមានសិទ្ធិចាត់ចែងប្រើប្រាស់យ៉ាងពេញលេញ នឹងមិនមានការយក ពន្ធឡើយ និងទី៥-ដីធ្លីស្រែចំការរបស់ប្រជាពលរដ្ឋ ដែលបង្កបង្កើនផលជាលក្ខណៈគ្រួសារនោះមិនត្រូវបានយកពន្ធឡើយ

ឯកឧត្តមប្រធានស្តីទីព្រឹទ្ធសភា ក៏បានចែកប័ណ្ណកម្មសិទ្ធដីធ្លី និងនាំយកនូវអំណោយរបស់សម្តេចតេ ជោ ចែកជូនដល់ប្រជាពលរដ្ឋចំនួន៦០៩នាក់ ដោយក្នុងម្នាក់ៗទទួលបាន ក្រមា១ សារុង១ ក្រណាត់ស១ដុំ មី៥កញ្ចប់ ទឹកក្រូច២កំប៉ុង ទឹកបរិសុទ្ធ១ដប និងថវិកា២០.០០០រៀល(ពីរម៉ឺនរៀល)ក្រុមយុវជនស្ម័គ្រចិត្ត មន្ត្រីបច្ចេកទេស ក្រុមគ្រូពេទ្យ អ្នកបើកបររថយន្តស្រុកឧដុង្គ សរុបចំនួន២៨នាក់បុរសចំនួន២៥នាក់ ម្នាក់ៗទទួល បានថវិកា ១០០.០០០រៀល(មួយសែនរៀល) ស្រីចំនួន៣នាក់ ក្នុងម្នាក់ៗទទួលថវិកា ១៥០.០០០រៀល(មួយ សែនប្រាំម៉ឺនរៀល) ក្រុមយុវជនស្ម័គ្រចិត្ត១ក្រុមថវិកាចំនួន១.០០០.០០០រៀល(មួយលានរៀល) ក្រុមបច្ចេកទេស១ក្រុមថវិកាចំនួន១.០០០.០០០រៀល(មួយលានរៀល) សាលាស្រុកឧដុង្គថវិកាចំនួន ១.០០០.០០០រៀល(មួយលានរៀល) និងថវិកាផ្ទាល់ជូនឃុំត្រាចទង ៦០០.០០០រៀល(ប្រាំមួយសែនរៀល)សម្រាប់រៀចំពិធីនិងប្រគេនបច្ច័យព្រះសង្ឃ៥០០ ដុល្លារសហរដ្ឋអាមេរិក ទុកសម្រាប់កសាងសមិទ្ធផលនានាក្នុងវត្តត្រាចទង៕

អត្ថបទ និងរូបភាពៈនាយកដ្ឋានព័ត៌មាន


ប្រតិទិនព្រឹទ្ធសភា

images/sss/calendarimage1.gif

ប្រតិទិនកម្មវិធី

No events

វីដេអូ

ទិដ្ឋភាពទាំងស្រុងនៃសម័យប្រជុំលើកទី១១ ព្រឹទ្ធសភានីតិកាលទី៣ នាថ្ងៃទី១៨ ខែមេសា ឆ្នាំ២០១៨។
សម្តេចវិបុលសេនាភក្តីសាយ ឈុំអនុញ្ញាតអោយឯកអគ្គរដ្ឋទូតគុយបាចូលជួបសម្តែងការគួរសម 01-03-2016
សម្តេចវិបុលសេនាភក្តីសាយ ឈុំអនុញ្ញាតអោយឯកអគ្គរដ្ឋទូតស្វីសចូលជួបសម្តែងការគួរសម ០២-០៣-២០១៦
សម្តេចវិបុលសេនាភក្តី សាយ ឈុំ បំពាក់មេដាយសមាជិកព្រឹទ្ឌសភា

កម្មវិធី

អគ្គលេខាធិការព្រឹទ្ធសភា

ឯកឧត្តម ផន សុគីម អគ្គលេខាធិការរងព្រឹទ្ធសភា អញ្ជើញជាអធិបតីស្តាប់បទបង្ហាញស្តីពី និតិវិធី នៃ​ការចុះបញ្ជីមន្ត្រីសាធារណៈ និងនិតីវិធីនៃការប្រើបា្រស់សេវារបស់បេឡាជាតិរបបសន្តិសុខសង្គម

នាព្រឹកថ្ងៃទី០៧​ ខែកញ្ញា​ ឆ្នាំ២០១៨​​​ នៅសាលសិក្ខាសាលាខាងជើង វិមានព្រឹទ្ធសភា​ ឯកឧត្ត

Read More
ឯកឧត្តម​ ផន​ សុគីម​ អគ្គលេខាធិការរង​ព្រឹទ្ធសភា បានអញ្ជើញជាអធិបតីភាពក្នុងកម្មវិធីបាឋកថាស្តីពី​ គោលនយោបាយគ្រប់គ្រងជនជាតិភាគតិចប្រកបដោយប្រសិទ្ធភាពក្នុងប្រទេសចិន

នារសៀលថ្ងៃទី០៦​ ខែកញ្ញា​ ឆ្នាំ២០១៨​​​ នៅសាលសិក្ខាសាលាខាងព្រឹទ្ធសភា​ ឯកឧត្តម​ ផន​ សុគ

Read More
ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញជាអធិបតីភាពក្នុងកិច្ចប្រជុំផ្ទៃក្នុងជាមួយនឹងមន្ត្រីបច្ចេកទេសជំនាញហិរញ្ញវត្ថុ របស់នាយដ្ឋានហិរញ្ញវត្ថុ

នាព្រឹកថ្ងៃពុធ ១០រោច ខែស្រាពណ៍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៥ ខែកញ្ញា ឆ

Read More

 
Go to top