ព័ត៌មានថ្មី​ ថ្នាក់ដឹកនាំ

workshop-24-10-2012_1
workshop-24-10-2012_2 workshop-24-10-2012_3

ពិធី បើកសិក្ខាសាលា ស្តីពីបទបញ្ជាផ្ទៃក្នុងព្រឹទ្ធសភា នីតិកាលទី៣ នៃព្រះរាជាណាចក្រកម្ពុជា ក្រោមអធិបតីភាព ឯកឧត្តម សាយ ឈុំ អនុប្រធានទី១ ព្រឹទ្ធសភា នាថ្ងៃទី ២៤ ខែតុលា ឆ្នាំ២០១២ វេលាម៉ោង ៧:៣០នាទី នៅវិមានរដ្ឋចំការមន

កាលពីព្រឹកថ្ងៃទី២៤​ខែតុលាឆ្នាំ២០១២​ នៅវិមានព្រឹទ្ធសភា ឯកឧត្តម សាយ ឈុំ អនុ​ប្រធានទី​១​ព្រឹទ្ធសភាបានអញ្ជើញជាអធិបតីភាពបើកសិក្ខាសាលាស្តីពី ការផ្សព្វ​ផ្សាយ​​​បទប​ញ្ជាផ្ទៃក្នុង​ព្រឹទ្ធសភា​នីតិកាលទី៣នៃព្រះរាជាណាចក្រកម្ពុជាដែល​រៀបចំឡើង​ដោយ​គណៈ​​កម្មការនីតិកម្ម​ និងយុត្តិធម៌​ព្រឹទ្ធសភា សហការ​ជាមួយនឹងអគ្គ​លេខាធិ​ការ​ដ្ឋាន​ព្រឹទ្ធសភា ឧបត្ថម្ភ​ដោយវិទ្យាស្ថានសភាកម្ពុជា មជ្ឈមណ្ឌលសម្រាប់​ទេសន្តរ​ប្រវេសន៍អន្តរជាតិ និងការ​អភិវឌ្ឍ​នៃរដ្ឋាភិបាលអាល្លឺម៉ង់ និងទីភ្នាក់ងារ អាល្លឺម៉ង់សម្រាប់ការ​អភិវឌ្ឍអន្តរជាតិកម្ពុជាដែលមាន​ការចូលរួមពីសមាជិក សមាជិកា​ព្រឹទ្ធសភា រដ្ឋសភា​ ក្រុមប្រឹក្សា​ធម្មនុញ្ញ និងថ្នាក់ដឹកនាំ គ្រប់គ្រងតាមអង្គភាពចំណុះ​អគ្គលេខាធិការ​ដ្ឋានព្រឹទ្ធសភា​ ។

ថ្លែងក្នុងឱកាសបើកសិក្ខាសាលា​ស្តីពីការផ្សព្វផ្សាយបទបញ្ជាផ្ទៃក្នុង​ព្រឹទ្ធសភា​នីតិកាល​ទី៣​ ឯកឧត្តម សាយ ឈុំ អនុប្រធានទី១ព្រឹទ្ធសភា បានថ្លែងអំណរគុណ​ចំពោះអង្គការ GIZ និងវិទ្យាស្ថាន​សភាកម្ពុជា (PIC) ដែលរៀបចំសិក្ខាសាលានេះ និងបានខិតខំ​ស្រាវជ្រាវ​អំពីការ​ងារសភា​នៅ​តាម​បណ្តា​ប្រទេសនានា ដើម្បីរួមចំណែកសហការគាំទ្រដល់ការ​ពង្រឹងការអនុវត្តមុខ​ងាររបស់​ព្រឹទ្ធសភា​កម្ពុជា ជាពិសេសការសិក្សាស្រាវជ្រាវអំពីទំនាក់ទំនង​រវាង​បទ​បញ្ជា​ផ្ទៃក្នុង​ព្រឹទ្ធសភា​ទៅនឹង​ការអនុវត្តមុខងារនីតិកម្ម មុខងារត្រួតពិនិត្យ និងមុខងារតំណាង ដោយផ្សារភ្ជាប់ទៅនឹងការ​ឆ្លុះបញ្ចាំង​ការអនុវត្ត​របស់​ព្រឹទ្ធសភាថៃ និងព្រឹទ្ធសភាបារាំង ដែលនឹងធ្វើសិក្ខាសាលានាពេលនេះ។
ឯកឧត្តម សាយ ឈុំ អនុប្រធានទី១ព្រឹទ្ធសភា បានមានប្រសាសន៍ថា បទបញ្ជា​ផ្ទៃក្នុង​ព្រឹទ្ធសភានីតិ​កាលទី៣បានបញ្ចូលនូវនីតិវិធីថ្មីៗសម្រាប់ធានាដល់ការរៀបចំ និងការប្រព្រឹត្តទៅរបស់​ព្រឹទ្ធសភាឲ្យកាន់តែប្រសើរឡើងស្របទៅតាមការវិវត្តរីកចម្រើនក្នុងរយៈពេល​១៣ឆ្នាំកន្លងទៅរបស់​ព្រឹទ្ធសភា​ និងស្របតាមបរិបទរបស់ប្រទេសកម្ពុជា ជាសមាជិកសមាគមប្រជាជាតិអាស៊ីអាគ្នេយ៍ ដែល​នឹងក្លាយជាសហគមន៍អាស៊ាននៅឆ្នាំ២០១៥ខាងមុខ។​
ឯកឧត្តមមានប្រសាសន៍បន្តថា ព្រឹទ្ធសភាជា​អង្គការ​ដែលមានអំណាច​នីតិប្ប​ញ្ញត្តិ​បំពេញមុខ​ងារ​​​របស់ខ្លួន ស្របតាមរដ្ឋធម្មនុញ្ញ និងច្បាប់ជាធរ​មាន​របស់រដ្ឋ​ ហើយសមជិកព្រឹទ្ធសភា  គឺជាតំណាង​របស់ប្រជាជាតិខ្មែរទាំងមូល ពុំមែនគ្រាន់តែជាតំណាង​ឲ្យភូមិភាគរបស់ខ្លួននោះទេ។
ឯកឧត្តមអនុប្រធានទី១ព្រឹទ្ធសភា បានមានប្រសាសន៍បន្តទៀតថា ក្នុងរយៈពេលពីរនីតិកាល​កន្លងទៅព្រឹទ្ធសភានែព្រះរាជាណាចក្រ​កម្ពុជា បានធ្វើដំណើរលើកំណាត់ផ្លូវមួយស្ថិត​ក្នុងបរិស្ថាន​ន​យោ​​បាយសមស្របរបស់កម្ពុជា ហើយបានធ្វើការងារដោយរលូន​ក្នុងមនសិការស្នេហាជាតិនិង​ស្មារ​តី​​ទទួលខុសត្រូវខ្ពស់ហើយការកែទម្រង់ដ៏ស៊ីជម្រៅលើគ្រប់វិស័យតម្រូវឲ្យមានច្បាប់ព្រមទាំងការ​គោ​រពនិងការ​ប្រតិបត្តិច្បាប់​ឲ្យបាន​ល្អប្រពៃ។
ឯកឧត្តមបានមានប្រសាសន៍បន្តថាតាមរយៈអង្គសិក្ខាសាលានឹងបង្ហាញជូនអំពីបទពិសោធន៍ក្នុង​ការ​រៀប​​ចំ​បទ​បញ្ជាផ្ទែក្នុងនិងទំនាក់ទំនងនៃបទបញ្ជាផ្ទៃក្នុងទៅនឹងការអនុវត្តមុខងារ​របស់​ព្រឹទ្ធសភា​គណៈ​កម្ម​ការនានា និងក្រុមផ្សេងៗរបស់ព្រឹទ្ធសភា ដែលបានចាត់តាំងឡើង ដែលជាការ​ចែក​រំលែក​បទ​ពិសោធន៍​គ្នាទៅវិញទៅមក ហើយសង្ឃឹមយ៉ាងមុតមាំថាអង្គសិក្ខាសាលានាពេល​នេះ​នឹង​​ចែក​រំ​លែក​​​ព័ត៌មាន​យ៉ាងច្រើន​ដល់អ្នកចូលរួមទាំងអស់ ដើម្បីទទួលបានបទពិសោធន៍ និងការ​អនុវត្តបទប​ញ្ជា​ផ្ទៃក្នុង​ព្រឹទ្ធសភា​កម្ពុជា​និងបទពិសោធន៍របស់សភានៃបណ្តាលប្រទេស​នានាលើ​ពិភ​ព​​​លោក។
អង្គសិក្ខាសាលាស្តីពីការផ្សព្វផ្សាយបទបញ្ជាផ្ទៃក្នុង​ព្រឹទ្ធសភា​នៃ​ព្រះរាជា​​ណា​ចក្រកម្ពុជានីតិ​កាល​​​​​ទី៣ នឹងប្រព្រឹត្តទៅរយៈពេលពីរគឺព្រឹកថ្ងៃទី២៤ និងព្រឹកថ្ងៃទី​២៥ ខែតុលា ឆ្នាំ២០១២​ ដោយ​មាន​ការ​ចូលរួមធ្វើបទបង្ហាញអំពីមុខងារតំណាង​ ដោយឯកឧត្តម គង់ សារាជ ប្រធានគណៈកម្មការ​ទី៩​​ព្រឹទ្ធសភា​ បទបង្ហាញអំពីមុខងារ​នីតិកម្ម ដោយឯកឧត្តម អ៊ុក ប៊ុនឈឿន ប្រធានគណៈកម្មការ​ទី៦​ព្រឹទ្ធសភា​ បទបង្ហាញអំពីមុខងារត្រួតពិនិត្យ ដោយឯកឧត្តម ជា ជេដ្ឋ ប្រធាន​គណៈ​កម្មការទី២​ព្រឹទ្ធសភា បទបង្ហាញអំពីគោលការណ៍នៃការៀបចំបទបញ្ជាផ្ទៃក្នុងព្រឹទ្ធសភា នីតិ​កាល​ទី៣​ ដោយ​ឯកឧត្តម ឡោក ឆាយ អគ្គលេខាធិការព្រឹទ្ធសភាស្តីទីបទបង្ហាញ​អំពីបទបញ្ជាផ្ទៃ​ក្នុង​ព្រឹទ្ធសភាថៃ និងទំនាក់​ទំនង​នៃបទបញ្ជាផ្ទៃក្នុង​ទៅនឹង​មុខ​ងារ​តំណាង មុខងារនីតិកម្ម និងមុខងារ​ត្រួតពិនិត្យ​ ដោយ​លោក PAIROJE POTISAIអគ្គលេខាធិការរងព្រឹទ្ធសភានៃព្រះរាជាណាចក្រថៃ បទបង្ហាញអំពីបទ​បញ្ជា​​ផ្ទៃក្នុង​​ព្រឹទ្ធសភា​ប្រទេស​បារាំង និងទំនាក់ទំនងនៃបទបញ្ជាផ្ទៃក្នុងទៅនឹងមុខងារនីតិកម្ម មុខងារ​តំ​ណាង និងមុខងារត្រួតពិនិត្យ ដោយលោក Jean-luc Gregorczyk ទីប្រឹក្សាជាន់ខ្ពស់​គណៈ​កម្មាធិការ​ហិរញ្ញវត្ថុ​​រដ្ឋ​សភាបារំាំង និងបទបង្ហាញអំពីបទបញ្ជាផ្ទៃក្នុងព្រឹទ្ធសភាប្រទេស​អាល្លឺ​ម៉ង់ និង​កា​ណាដា និងទំនាក់​ទំនង​នៃបទបញ្ជាផ្ទៃក្នុងទៅនឹងមុខងារតំណាង មុខងារនីតិកម្ម និងមុខ​ងារ​​ត្រួត​ពិនិត្យ​ ដោយ​លោក Lukas Gunderman ទឹប្រឹក្សាច្បាប់ជាន់ខ្ពស់អាល្លឺម៉ង់៕

-សុន្ទរកថា ឯកឧត្តម សាយ ឈុំ អនុប្រធានទី១ ព្រឹទ្ធសភា ក្នុងឳកាសបើកសិក្ខាសាលា ស្តីពី "ការផ្សព្វផ្សាយ បទបញ្ជាផ្ទៃក្នុងព្រឹទ្ធសភា នៃព្រះរាជាណាចក្រកម្ពុជា នីតិកាលទី៣"
-Speech Say chhum,First-Vice President of the Senate at the opening of the seminar on "Dissemination of the Internal Rules of the Third Mandate of the Senate of the Kingdom of Cambodia

រូបភាព ៖ នាយកដ្ឋានព័ត៌មានវិទ្យា
អត្ថបទ ៖ នាយកដ្ឋានព័ត៌មាន


ប្រតិទិនព្រឹទ្ធសភា

images/sss/calendarimage1.gif

ប្រតិទិនកម្មវិធី

No events

វីដេអូ

ទិដ្ឋភាពទាំងស្រុងនៃសម័យប្រជុំលើកទី១១ ព្រឹទ្ធសភានីតិកាលទី៣ នាថ្ងៃទី១៨ ខែមេសា ឆ្នាំ២០១៨។
សម្តេចវិបុលសេនាភក្តីសាយ ឈុំអនុញ្ញាតអោយឯកអគ្គរដ្ឋទូតគុយបាចូលជួបសម្តែងការគួរសម 01-03-2016
សម្តេចវិបុលសេនាភក្តីសាយ ឈុំអនុញ្ញាតអោយឯកអគ្គរដ្ឋទូតស្វីសចូលជួបសម្តែងការគួរសម ០២-០៣-២០១៦
សម្តេចវិបុលសេនាភក្តី សាយ ឈុំ បំពាក់មេដាយសមាជិកព្រឹទ្ឌសភា

កម្មវិធី

អគ្គលេខាធិការព្រឹទ្ធសភា

ឯកឧត្តម អ៊ុំ សារឹទ្ធ ​បានអញ្ជើញចូលរួម​ កិច្ចប្រជុំASGPF​នៅរដ្ឋសភាQuebec

កិច្ចប្រជុំASGPFនៅរដ្ឋសភាQuebec ( បន្ទប់នាយករដ្ឋមន្ត្រី ) ថ្ងៃ ០៧ កក្កដា ២០១៨ ម៉ោង ៩

Read More
ឯកឧត្តម អ៊ុ សារឹទ្ធ បានអញ្ជើញចូលរួមប្រជុំតុមូលរវាងប្រធាន​ ព្រមទាំងប្រធានគណៈប្រតិភូនៃ​សភានិយាយភាសាបារាំង(APF) ​ជាមួយនឹងអគ្គលេខាធិការនៃសភាប្រើភាសាបារាំង

នៅថ្ងៃព្រហស្បតិ៍ ៨រោច ខែបឋមាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៥ ខែកក្កដា

Read More
ឯកឧត្តម អ៊ុំ សារឹទ្ធ អគ្គលេខាធិការព្រឺត្ធសភា បានអញ្ជើញចូលរួមពិសារអាហារថ្ងៃត្រង់ជាមួយសមាគមអគ្គលេខាធិការសភាប្រើប្រាស់ភាសាបារាំងក្រោមអធិបតីភាពឯកឧត្តម Jacques Chagnon ប្រធានរដ្ឋសភាកេប៊ិច

កាលពីថ្ងៃទី ០៥ ខែកក្កដា ឆ្នាំ ២០១៨ ឯកឧត្តម អ៊ុំ សារឹទ្ធ អគ្គលេខាធិការព្រឺត្ធសភា បានអ

Read More

 
Go to top