នាព្រឹកថ្ងៃទី១៧ ខែមករា ឆ្នាំ២០១៩ ព្រឹទ្ធសភានៃព្រះរាជាណាចក្រកម្ពុជា បានរៀបចំវេទិកាថ្នាក់ខេត្តស្តីពី «ការពង្រឹងសមត្ថភាពរបស់ក្រុមប្រឹក្សា​ឃុំ សង្កាត់ និងការផ្ត​ល់​ ​​សេវាសាធារណៈ​នៅមូលដ្ឋាន» ក្រោម​អធិបតីភាពឯកឧត្តម ទេព ងន អនុប្រធានទី២ព្រឹទ្ធសភា នៅសាលប្រជុំសាលា ខេត្តកំពង់ធំ មានការអញ្ជើញចូលរួមពីសមាជិក សមាជិកាព្រឹទ្ធសភា រដ្ឋសភា តំណាងក្រសួងផែនការ មហា​ផ្ទៃ និងក្រសួងសេដ្ឋកិច្ច និង​ហិរញ្ញវត្ថុ ប្រធានក្រុមប្រឹក្សាខេត្ត អភិបាលស្តីទីនៃ​គណៈអភិបាល​​ខេត្ត តំណាងអង្គភាព មន្ទីរ​ជំនាញខេត្ត សម្ព័ន្ធភាពជាតិសមាគមក្រុមប្រឹក្សាក្រុង ស្រុក ខណ្ឌ ឃុំ សង្កាត់ សមាជិក សមាជិកា​​ក្រុមប្រឹក្សា អភិបាលក្រុង ស្រុក និងក្រុមប្រឹក្សាឃុំ សង្កាត់ ស្មៀន​ ព្រម ទាំងគណៈកម្មការទទួលបន្ទុកកិច្ចការនារី​ និងកុមារ ផងដែរ សរុបចំនួន៣៥៨នាក់។

វេទិកាថ្នាក់ខេត្តនេះ ត្រូវបានប្រារព្ធធ្វើឡើង ក្រោមការសហការរៀបចំ​ រវាងក្រុមសមាជិកព្រឹទ្ធសភា​ប្រចាំភូមិភាគទី៨ និងរដ្ឋបាលខេត្តកំពង់ធំ។​​

អង្គវេទិកា ក៏នឹងមានការធ្វើបទបង្ហាញពីតំណាងក្រសួង ស្ថាប័នពាក់ព័ន្ធនានា រួមមាន៖
ទី១-នីតិវិធីកសាងកម្មវិធី៣ឆ្នាំ​រំកិល កម្មវិធីវិនិយោគប្រចាំឆ្នាំ និងការគ្រប់គ្រងគម្រោងអភិវឌ្ឍន៍។
ទី២-រំលឹកតួនាទីភារកិច្ចរបស់​ក្រុមប្រឹក្សាឃុំ សង្កាត់។
ទី៣-ការកសាងផែនការថវិកា និងនីតិវិធីទូទាត់ថវិកា។
ទី៤-មតិយោបល់​​ របស់ក្រុមប្រឹក្សាឃុំ សង្កាត់អំពីបញ្ហាប្រឈម និងសំណូមពរក្នុងការអភិវឌ្ឍមូលដ្ឋាន និងមតិ បកស្រាយបំភ្លឺរបស់អាជ្ញាធរមូលដ្ឋាន និងតំណាងក្រសួងនានាផងដែរ៕

 
Go to top