គេហទំព័រ ព្រឹទ្ធសភា នៃព្រះរាជាណាចក្រកម្ពុជា, Cambodian senate, senate of cambodia
ឧត្តម ខៀវ មុត បានអញ្ជើញទៅពិនិត្យមើលការជីកស្តារស្រះទឹកទី១០ ដែលស្រះទឹកចុងក្រោយក្នុងគម្រោងឆ្នាំ២០១៩
2019-05-28 01:32:11

ខេត្តតាកែវ÷ នាព្រឹក ថ្ងៃចន្ទ ៩រោច ខែពិសាខ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៧ ខែឧសភា ឆ្នាំ២០១៩ ក្រុមសមាជិកព្រឹទ្ធសភាប្រចាំ ភូមិ ភាគ ទី ៥ ដឹកនាំដោយឯកឧត្តម ខៀវ មុត ប្រធានក្រុម បានអញ្ជើញទៅពិនិត្យមើលការជីកស្តារស្រះទឹកទី១០ ដែលស្រះទឹកចុងក្រោយក្នុងគម្រោងឆ្នាំ២០១៩របស់ក្រុម ស្ថិតនៅក្នុងវត្តទេពប្រណម្យ ភូមិភ្នំលន្ទះ ឃុំអង្គប្រាសាទ ស្រុកគិរីវង់ ខេត្តតាកែវ ។
ឆ្លៀតឱកាសនោះ ឯកឧត្តម និងលោកជំទាវ បានអញ្ជើញជួបសំណេះសំណាលសួរសុខទុក្ខជាមួយបងប្អូនប្រជាពលរដ្ឋនៅក្នុងភូមិ និងបានពាំនាំនូវការសួរសុខទុក្ខពីសំណាក់ថ្នាក់ ដឹកនាំព្រឹទ្ធសភា រដ្ឋសភា និងរាជរដ្ឋាភិបាល ព្រមទាំងផ្តាំផ្ញើរដល់បងប្អូនប្រជាពលរដ្ឋអោយចូលរួមថែរក្សាស្រះទឹក ទាំងអស់គ្នា ដោយដាំដើមឈើជុំវិញស្រះទឹក និងប្រុងប្រយ័ត្នខ្ពស់ចំពោះកូនតូចៗ សត្វពាហនៈធ្លាក់ចូលក្នុងស្រះ។ ចូលរួមនាឱកាសនោះដែរមានគណៈអភិបាលស្រុក ក្រុមប្រឹក្សាឃុំ និងប្រជាពលរដ្ឋ សរុបចំនួន ៧៦នាក់។
សូមបញ្ជាក់ថា ក្នុងឆ្នាំ២០១៩នេះក្រុមសមាជិកព្រឹទ្ធសភាប្រចាំភូមិភាគទី៥បានចូលរួមដោះស្រាយប្រភពទឹកប្រើប្រាស់ជូនប្រជាពលរដ្ឋបានចំនួន១០កន្លែង ក្នុងនោះខេត្តកំពត៨កន្លែង ខេត្តកែប១កន្លែង និងខេត្តតាកែវ ១កន្លែង រាល់សមិទ្ធផលទាំងអស់នេះគឺមានការចូលរួមសហការគាំទ្រពីឯកឧត្តមបណ្ឌិត ម៉ុង ឫទ្ធី ប្រធានគណៈកម្មការទី៣ព្រឹទ្ធសភា។

 អង្គការជាតិ

 អង្គការអន្តរជាតិ

 ដៃគូរក្នុងស្រុក

វិមានរដ្ឋចំការមន មហាវិថីព្រះនរោត្តម រាជធានីភ្នំពេញ ព្រះរាជាណាចក្រកម្ពុជា

ទូរស័ព្ទ: (៨៥៥-២៣)  ២១១ ៤៤១, ២១១ ៤៤២, ២១១ ៤៤៣ ទូរសារ: (៨៥៥-២៣)២១១ ៤៤៦