គេហទំព័រ ព្រឹទ្ធសភា នៃព្រះរាជាណាចក្រកម្ពុជា, Cambodian senate, senate of cambodia
ក្រុមសមាជិកាព្រឹទ្ធសភា បាននាំយកទៀនព្រះវស្សា ទេយ្យទាន និងបច្ច័យ ប្រគេនដល់ព្រះសង្ឃដែលគង់ចាំព្រះវស្សា
2020-07-03 07:00:51

ក្រុមសមាជិកាព្រឹទ្ធសភាបានរៀបចំពិធីប្រគេនទៀនព្រះវស្សាទេយ្យទាននិងបច្ច័យដល់ព្រះសង្ឃគង់ចាំព្រះវស្សាក្នុងវត្តមុនីប្រសិទ្ធីវង្ស

ក្រុមសមាជិកាព្រឹទ្ធសភា ដឹកនាំដោយលោកជំទាវ មាន សំអាន ប្រធានក្រុមសមាជិកាព្រឹទ្ធសភា និងជាប្រធានគណៈកម្មការទី៨នៃព្រឹទ្ធសភា លោកជំទាវ ទី បូរ៉ាស៊ី ប្រធានគណៈកម្មការទី៥នៃព្រឹទ្ធសភាដោយមានការអញ្ជើញចូលរួមពីសមាជិកា ឯកឧត្តម លោកជំទាវ មន្ត្រីរាជការនៃអគ្គលេខាធិការដ្ឋានព្រឹទ្ធសភា ព្រមទាំងពុទ្ធបរិស័ទចំណុះជើងវត្ត និងលោកតា លោកយាយ ជាអាចារ្យ និងដូនជី បាននាំយកទៀនព្រះវស្សា ទេយ្យទាន និងបច្ច័យ ប្រគេនដល់ព្រះសង្ឃដែលគង់ចាំព្រះវស្សា នៅក្នុងវត្តមុនីប្រសិទ្ធីវង្ស ដែលស្ថិតនៅសង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ នាព្រឹកថ្ងៃសុក្រ ១៣កើត ខែអាសាឍ ឆ្នាំជូត ព.ស.២៥៦៤ ត្រូវនឹងថ្ងៃទី០៣ ខែកក្កដា ឆ្នាំ២០២០ ។

ទៀនវស្សា និងទេយ្យវត្ថុ ដែលត្រូវបានប្រគេនជូននាពេលនេះ រួមមាន៖ ទៀនវស្សាខ្នាតធំ០២គូ ស្លាដក អង្ករ មី ស្ករស កាហ្វេ ទឹកត្រជៀកកាំទឹកដោះគោ តែ ធូប ទឹកបរិសុទ្ធ ទឹកក្រូច ទឹកផ្លែឈើ ទឹកត្រី ទឹកស៊ីអ៉ីវខាប់ទឹកសាប៊ូក្រអូប អាល់កុល ម៉ាស់ ព្រមទាំងទេយ្យវត្ថុផ្សេងៗ និងបច្ច័យមួយចំនួនថែមទៀត ដើម្បីទុកប្រើប្រាស់ ក្នុងរដូវចូលព្រះវស្សាដែលមានរយៈពេលបីខែ៕

 អង្គការជាតិ

 អង្គការអន្តរជាតិ

 ដៃគូរក្នុងស្រុក

វិមានរដ្ឋចំការមន មហាវិថីព្រះនរោត្តម រាជធានីភ្នំពេញ ព្រះរាជាណាចក្រកម្ពុជា

ទូរស័ព្ទ: (៨៥៥-២៣)  ២១១ ៤៤១, ២១១ ៤៤២, ២១១ ៤៤៣ ទូរសារ: (៨៥៥-២៣)២១១ ៤៤៦