នារសៀលថ្ងៃអង្គារ ទី២៨ ខែកក្កដា ឆ្នាំ២០២០ នៅសាលសិក្ខាសាលាខាងជើង វិមានព្រឹទ្ធសភា អគ្គលេខាធិការដ្ឋានព្រឹទ្ធសភា សហការជាមួយនឹងសមាគមអ្នកស្រាវជ្រាវវឌ្ឍនភាពកម្ពុជា-ចិន ដោយមានដៃគូគាំទ្រពីសមាគមមិត្តភាពពាណិជ្ជកម្មចិនហ្វូជៀននៅកម្ពុជា បានរៀបចំកម្មវិធីស្តីពី ការផ្សព្វផ្សាយពីវិធីសាស្រ្ត ក្នុងការស្នើរសុំអាហារូបករណ៍ និងបទពិសោធន៍នៃការរស់នៅពេលទៅសិក្សានៅប្រទេសចិន ជូនដល់មន្ត្រីរាជការនៃអគ្គលេខាធិការដ្ឋានព្រឹទ្ធសភា ក្រោមអធិបតីភាព ឯកឧត្តម ឡោក ឆាយ អគ្គលេខាធិការរងព្រឹទ្ធសភា។
កម្មវិធីនេះប្រព្រឹត្តទៅរយៈពេល០១រសៀល ដោយមានការធ្វើបទបង្ហាញស្តីពី ការផ្សព្វផ្សាយពីវិធីសាស្រ្ត ក្នុងការស្នើរសុំអាហារូបករណ៍ និងបទពិសោធន៍នៃការរស់នៅពេលទៅសិក្សានៅប្រទេសចិន ដោយលោកបណ្ឌិត ជា មុនីឬទ្ធិ ប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិន និងលោក FENG ZIQUAN អគ្គលេខាធិការរងសមាគមមិត្តភាពពាណិជ្ជចិនហ្វូជៀនប្រចាំនៅកម្ពុជា។
