គណៈប្រតិភូអគ្គលេខាធិការដ្ឋានព្រឹទ្ធសភា អញ្ជើញគោរពវិញ្ញាណ្ឌក្ខន្ធសពឧបាសិកា កូ យ៉ាន
គណៈប្រតិភូអគ្គលេខាធិការដ្ឋានព្រឹទ្ធសភា ដឹកនាំដោយ ឯកឧត្តម ឡោក ឆាយ អគ្គលេខាធិការស្តីទីព្រឹទ្ធសភា នៅព្រឹកថ្ងៃទី០១ ខែមីនា ឆ្នាំ២០២២ បានអញ្ជើញគោរពវិញ្ញាណក្ខន្ធសពឧបាសិកា កូ យ៉ាន ត្រូវជាម្តាយបង្កើតរបស់ឯកឧត្តម ផៃ ប៊ុនឈឿន រដ្ឋលេខាធិការប្រចាំការ ក្រសួងបរិស្ថាន ដែលបានទទួលមរណភាព កាលពីថ្ងៃទី២៨ ខែកុម្ភៈ ឆ្នាំ២០២២ វេលាម៉ោង០០:៤៩នាទី ក្នុងជន្មាយុ៩១ឆ្នាំ ដោយជរាពាធ។
ពិធីបុណ្យសពឧបាសិកា កូ យ៉ាន ត្រូវបានតម្កល់ប្រារព្ធធ្វើបុណ្យទក្ខិណានុប្បទាន ទៅតាមគន្លងប្រពៃណី និងព្រះពុទ្ធសាសនា នៅគេហដ្ឋានសព ដែលស្ថិតក្នុងភូមិកណ្តាលកោះ សង្កាត់កោះអន្លង់ចិន ក្រុងតាខ្មៅ ខេត្តកណ្តាល។
អត្ថបទពាក់ព័ន្ធ
