នារសៀលថ្ងៃទី២៧ ខែកញ្ញា ឆ្នាំ២០២៦ ឯកឧត្តម លី សារី សមាជិកក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញជាអធិបតីក្នុងពិធីបិទសិក្ខាសាលាស្តីពី ការពង្រឹងតួនាទីភារកិច្ចរបស់ថ្នាក់ដឹកនាំ និងគោលជំនឿអ៊ិស្លាម នៅសាលប្រជុំគណៈអុីមាំខេត្តកំពត ស្ថិតនៅភូមិកំពង់កែស ឃុំត្រពាំងសង្កែរ ស្រុកទឹកឈូ ខេត្តកំពត ដោយមានសិក្ខាកាមមកពីខេត្តកំពត ខេត្តកែប ក្រោមជំនួយឧបត្ថមរបស់សប្បុរសជនប្រទេសម៉ាឡេសុី ដែលបានធ្វើការសហការជាមួយគណៈអុីមាំខេត្តកំពត។ កម្មវិធីនេះមានការអញ្ជើញចូលរួម ពីសំណាក់ថ្នាក់ដឹកនាំខ្មែរអ៊ិស្លាម ខេត្ត ក្រុង ស្រុក ម្ចាស់ជំនួយមកពីប្រទេសម៉ាឡេសុី ជំទប់ទី១ឃុំត្រពាំងសង្កែរ និងអាជ្ញាធរមូលដ្ឋានផងដែរ។
ប្រភព៖ ការិយាល័យអមក្រុមសមាជិកព្រឹទ្ធសភាប្រចាំភូមិភាគទី៥
