លោកជំទាវ ឃួន ឃុនឌី បានអញ្ជើញចុះសាកសួរសុខទុក្ខ ក្រុមប្រឹក្សាឃុំ មេភូមិ អនុភូមិ និងសមាជិកភូមិសរុបចំនួន៧០នាក់
![](https://senate.gov.kh/wp-content/uploads/2021/12/7A798FC6-7717-4DE3-B60D-D3E154FF36D8.jpeg)
នាព្រឹកថ្ងៃទី០៥ ខែធ្នូ ឆ្នាំ២០២១ លោកជំទាវ ឃួន ឃុនឌី សមាជិកាគណៈកម្មការទី៥ ព្រឹទ្ធសភា និងជាសមាជិកាព្រឹទ្ធសភាប្រចាំភូមិភាគ៨ បានអញ្ជើញចុះជួបសំណេះសំណាលសួរសុខទុក្ខលោកមេឃុំ ក្រុមប្រឹក្សាឃុំ មេភូមិ អនុភូមិ និងសមាជិកភូមិសរុបចំនួន៧០នាក់ ដើម្បីស្ដាប់នូវរបាយការណ៍ នៃការពិនិត្យឈ្មោះ និងចុះឈ្មោះបោះឆ្នោត ព្រមទាំងបញ្ហាប្រឈម និងសំណូមពរនានា។ បន្ទាប់មកលោកជំទាវបានធ្វើការកោតសរសើរនូវសកម្មភាព និងការខិតខំប្រឹងប្រែង បំពេញការងារតាមភារៈកិច្ច និងតាមតួនាទីរបស់ខ្លួន ជាពិសេសការបម្រើសេវាជូនប្រជាពលរដ្ឋដែលធ្វើឱ្យប្រជាពលរដ្ឋមានសុខសន្តិភាព និងស្ថិរភាពនយោបាយភូមិឃុំមានសវត្ថិភាព។ នៅក្នុងឱកាសនោះដែរ លោកជំទាវបានឧបត្ថម្ភដល់សមាជិកនៃអង្គពិធីទាំងអស់ដោយក្នុងម្នាក់ៗទទួលបានក្រមាចំនួន១ សារ៉ុងចំនួន១ និងថវិកា២៥.០០០រៀល ។ នៅឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ។
អត្ថបទពាក់ព័ន្ធ