ថ្ងៃអង្គារ ទី២៦ ខែមេសា ឆ្នាំ២០២២ ឯកឧត្តម អ៊ឹង លាងហ៊ួ សមាជិកគណ:កម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៧ បានអញ្ជើញដឹកនាំក្រុមការងាររួមមានក្រុមប្រឹក្សាស្រុក អភិបាលរងស្រុកជលគិរី ក្រុមប្រឹក្សាឃុំ ក្រុមយុវជន និងក្រុមប្រជាការពារភូមិទាំង៥ ក្នុងឃុំកំពង់អុស ស្រុកជលគិរី ខេត្តកំពង់ឆ្នាំង ដើម្បីនាំយកនូវអំណោយរបស់ សម្ដេចចៅហ្វាវាំងវរវៀងជ័យ អធិបតីស្រឹង្គារ គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង ជូនបងប្អូនប្រជាពលរដ្ឋទូទាំងឃុំកំពង់អុស សរុបចំនួន៩២៣គ្រួសារ ដែលមួយគ្រួសារៗទទួលបានសារុង១ និងថវិកា១០.០០០៛ ព្រមទាំងជូនគ្រួ សារពិការ និងទីទ័លក្រ ចំនួន៧គ្រួសារ ដែល១គ្រួសារៗ ទទួលបានអង្ករ២៥គ.ក មី២ប្រអប់ ត្រីខ១យួរ ទឹកត្រី១យួរ ទឹកស៊ីអ៊ីវ១យួរ និងថវិកា៣០.០០០៛។ ក្នុងឱកាសនោះឯកឧត្តម បានផ្ដាំផ្ញើសុំឲ្យបងប្អូនចូលរួមអនុវត្តគោលនយោបាយភូមិ ឃុំ មានសុវត្ថិភាព បញ្ជូនកូនចៅទៅសាលារៀន រក្សាអនាម័យ និងនាំគ្នាទៅទទួលការចាក់វ៉ាក់សាំងដូសមូលដ្ឋាន និងដូសជម្រុញឲ្យបានគ្រប់ៗគ្នា។
