នាព្រឹកថ្ងៃសៅរ៍ ទី១១ ខែកក្កដា ឆ្នាំ២០២០ ឯកឧត្តម កែវ ចាន់ណា អគ្គនាយក នៃអគ្គនាយកដ្ឋានព័ត៌មាន និងទំនាក់ទំនង់សាធារណៈ និងថ្នាក់ដឹកនាំ មន្ត្រីរាជការចំណុះអគ្គនាយកដ្ឋានព័ត៌មាន និងទំនាក់ទំនងសាធារណៈ និងអគាធិការដ្ឋាន នៃអគ្គលេខាធិការដ្ឋានព្រឹទ្ធសភា ព្រមទាំងក្រុមប្រឹក្សាសង្កាត់ ថ្នាក់ដឹកនាំភូមិ រួមនឹងប្រជាពលរដ្ឋក្នុងសង្កាត់ព្រែកតាសេក បានអញ្ជើញនាំយកទៀនព្រះវស្សា ទេយ្យទាន និងបច្ច័យ ប្រគេនព្រះសង្ឃដែលគង់ចាំព្រះវស្សា នៅវត្តមង្គលស្ថាវ័ន្ត ហៅវត្តពែ្រកតាគង់ ស្ថិតក្នុងសង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។
ទេយ្យទាន និងទេយ្យវត្ថុ ដែលយកប្រគេនជូននាពេលនោះ រួមមាន៖ ទៀនព្រះវស្សា តែ ធូប អង្ករ មី ស្ករស ត្រីខ ទឹកត្រី ទឹកសុីអុីវ ប្រេងឆា ទឹកដោះគោឆៅ ទឹកបរិសុទ្ធ ទឹកក្រូច ព្រមទាំងទេយ្យវត្ថុផ្សេងៗ និងបច្ច័យចំនួន៤.៨៨០.៥០០រៀល និងមួយរយដុល្លារអាមេរិក៕
