នារសៀលថ្ងៃអង្គារ ទី២១ ខែមេសា ឆ្នាំ២០២៦ ស្ថិតនៅសាលាឃុំសារង្គ ស្រុកស្វាយចេក ខេត្តបន្ទាយមានជ័យ ឯកឧត្ដម ឈើយ ចាន់ណា លេខាធិការគណៈកម្មការទី៧ព្រឹទ្ធសភា និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី៤ ជាអនុប្រធានកិត្តិយសសាខាកាកបាទក្រហមកម្ពុជាខេត្ត រួមជាមួយលោក បឹង គឹមសឹង ប្រធានមន្ទីរសេដ្ឋកិច្ច និងហិរញ្ញវត្ថុខេត្តបន្ទាយមានជ័យ និងជាអនុប្រធានសាខាកាកបាទក្រហមកម្ពុជាខេត្ត បានអញ្ជើញចុះសួរសុខទុក្ខ និងចែកជូនអំណោយសាខាកាកបាទក្រហមកម្ពុជាខេត្ត ដល់បងប្អូនប្រជាពលរដ្ឋចំនួន១៥គ្រួសារ ក្នុងឃុំសារង្គ ដែលរងគ្រោះដោយខ្យល់ព្យុះកន្រ្តាក់ ធ្វើឱ្យខូចខាតផ្ទះសម្បែង កាលពីរសៀលថ្ងៃទី១៩ ខែមេសា ឆ្នាំ២០២៦។ ពិធីនេះមានការចូលរួមពី លោក លោកស្រី សមាជិកក្រុមប្រឹក្សាស្រុក អភិបាលរងស្រុក មន្រ្តីប្រតិបត្តិសាខាកាកបាទក្រហមខេត្ត លោក មេឃុំ ក្រុមប្រឹក្សាឃុំ លោកមេភូមិយ៉ាងច្រើនកុះករផងដែរ។
ប្រភព៖ ការិយាល័យជំនួយការគណៈកម្មការទី៧ព្រឹទ្ធសភា
