ឯកឧត្តម ឡៅឆន ជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញជាអធិបតីក្នុងពិធីផ្សព្វផ្សាយលទ្ធផលកិច្ចប្រជុំកាលពីថ្ងៃទី២២ ខែមីនា ឆ្នាំ២០២៣ កន្លងទៅ ជូនដល់ប្រជាពលរដ្ឋ ១៣គ្រួសារ
នៅថ្ងៃសុក្រ ទី២៤ ខែមីនា ឆ្នាំ២០២៣ វេលាម៉ោង១៤:៣០នាទី ឯកឧត្តម ឡៅឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញជាអធិបតីក្នុងពិធីផ្សព្វផ្សាយលទ្ធផលកិច្ចប្រជុំកាលពីថ្ងៃទី២២ ខែមីនា ឆ្នាំ២០២៣ កន្លងទៅ ជូនដល់ប្រជាពលរដ្ឋ ១៣គ្រួសារ ដែលធ្វើចំការលើដីចំណីអូរខុសច្បាប់។ ពិធីនេះមានការអញ្ជើញចូលរួមពីលោកប្រធានក្រុមប្រឹក្សាស្រុក លោកអភិបាលស្រុក មន្ត្រី និងអង្គភាពមួយចំនួនក្នុងស្រុកចុងកាល់ លោកមេឃុំពង្រ មេភូមិបាក់វែក និងភូមិស្រះកែវសរុបចំនួន២៨នាក់ ស្ថិតក្នុងបរិវេណសាលាស្រុកចុងកាល់ ខេត្តឧត្តរមានជ័យ។
