នារសៀលថ្ងៃទី១១ ខែឧសភា ឆ្នាំ២០២៤ ឯកឧត្តម ប្រាក់ ចំរើន អនុប្រធានគណៈកម្មការទី៨ ព្រឹទ្ធសភា និងលោកជំទាវឧកញ៉ាបណ្ឌិត សេង ពុទ្ធិឆាត បានអញ្ជើញសួរសុខទុក្ខ ឯកឧត្តមកិត្តិសង្គហបណ្ឌិត ទេព ងន ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា ដែលកំពុងសម្រាកព្យាបាល និងថែទាំសុខភាព នៅគេហដ្ឋានស្ថិតក្នុងក្រុងតាខ្មៅ ខេត្តកណ្តាល។
ក្នុងឱកាសនោះ ឯកឧត្តម និងលោកជំទាវឧកញ៉ាបណ្ឌិត បានបួងសួងដល់វត្ថុស័ក្តិសិទ្ធិក្នុងលោក មេត្តាប្រោះព្រំពរជ័យ សិរីមង្គល បវរមហាប្រសើរ ជូនចំពោះឯកឧត្តមកិត្តិសង្គហបណ្ឌិត ឱ្យទទួលបានសុខភាពល្អ និងឆាប់បានជាសះស្បើយ ព្រមទាំងមានកម្លាំងពលំមាំមួនវិញ។
