ឯកឧត្តម ឈើយ ចាន់ណា ជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញជួបសំណេះសំណាលជាប្រធានការិយាល័យអប់រំយុវជន និងកីឡាស្រុក
នៅរសៀលថ្ងៃទី១ ខែមិថុនា ឆ្នាំ២០២៤ ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ រួមជាមួយ លោក ឈូ ប៊ុនរឿង ប្រធានមន្ទីរអប់រំ យុវជន និងកីឡាខេត្ត លោក លឿង សុភក្តិ អភិបាលស្រុក លោក ដា ទឹង ប្រធានក្រុមប្រឹក្សាស្រុក បានអញ្ជើញជួបសំណេះសំណាលជាប្រធានការិយាល័យអប់រំយុវជន និងកីឡាស្រុក លោកនាយកសាលាបឋមសិក្សា ៦សាលាក្នុងឃុំទ្រាស លោកស្រីនាយិកា និងអ្នកគ្រូមត្តេយ្យធនធានកកោះ ឃុំ ស្លក្រាម ស្រុកស្វាយចេក ខេត្តបន្ទាយមានជ័យ។ ក្នុងពិធីសំណេះសំណាល ឯកឧត្តមបានថ្លែងអំណរគុណ ចំពោះគណៈគ្រប់គ្រងសាលា លោកគ្រូ អ្នកគ្រូ ដែលបានខិតខំបំពេញនូវតួនាទីភារកិច្ចរបស់ខ្លួនបានយ៉ាងល្អ ដោយលើកទឹកចិត្តឧបត្ថម្ភកុំព្យូទ័រយួរដៃជូនការិយាល័យអប់រំ យុវជន និងកីឡាស្រុក ចំនួន០១គ្រឿង និងជូនសាលាបឋមសិក្សាស្រះចែង ទួលប្រាសាទ អូរកកោះ អំពិលព្រង់ សំរោង និងដំណាក់កកោះ មួយសាលាទទួលបាន០១គ្រឿង សរុប០៧គ្រឿង ព្រមទាំងបានឧបត្ថម្ភថវិកា ចំនួន១,៦០០,០០០រៀល សម្រាប់ទិញ (Smart TV) ដល់សាលាមតេ្តយ្យធនធានកកោះ សម្រាប់បង្រៀនសិស្ស និងថវិកា ចំនួន៤០០,០០០រៀលទៀតឧបត្ថម្ភដល់ការិយាល័យអប់រំ យុវជន និងកីឡាស្រុក រៀបចំការងារបរិស្ថានផងដែរ។ បន្ទាប់ ឯកឧត្តមនិងក្រុមការងារបានបន្តដាំកូនឈើនៅនៅវិទ្យាល័យ ស្វាយចេក ដើម្បីទុកជាម្លប់ដល់សិក្សានុសិស្សផងដែរ។
