រសៀលថ្ងៃទី១៣ ខែមិថុនា ឆ្នាំ២០២៤ នៅបរិវេណសាលាស្រុកស្វាយចេក ខេត្ត បន្ទាយមានជ័យ មានរៀបចំពិធី ប្រកាសចូលកាន់តំណែងក្រុមប្រឹក្សាស្រុកស្វាយចេក អណត្តិទី៤ ក្រោមអធិបតីភាពឯកឧត្តម ប៉្លៃក វារី ប្រធានក្រុមប្រឹក្សាខេត្ត ឯកឧត្តម ឈើយ ចាន់ណា លេខាធិការក្រុមសមាជិកព្រឹទ្ធសភា ប្រចាំភូមិភាគទី៤ ឯកឧត្តម ប្រាក់ ប៉ូលី អភិបាលរងខេត្ត តំណាង ឯកឧត្តម អ៊ុ រាត្រី អភិបាលខេត្ត។ក្នុងពិធីនេះ ក៏មានការចូលរួមពីឯកឧត្តម លោកជំទាវ ថ្នាក់ដឹកនាំមកពីរដ្ឋបាលខេត្ត លោក លោកស្រីក្រុមប្រឹក្សាស្រុកថ្មី ១៩នាក់ មន្រ្តីរាជការជុំវិញស្រុក ក្រុមប្រិក្សាឃុំទាំង៨ មេបុស្តិ៍ឃុំទាំង៨ ប្រធានមណ្ឌលសុខភាព នាយកវិទ្យាល័យ អនុវិទ្យាល័យ បឋមសិក្សា និងមត្តេយ្យ សរុប៤៦២នាក់។ ក្រោយពិធីប្រកាសចូលកាន់តំណែងថ្មីក្រុមប្រឹក្សាស្រុក បានបញ្ចប់ ក៏មានរៀបចំពិធីពិសារបាយសាមគ្គីផងដែរ។
