នាព្រឹកថ្ងៃទី១៨ ខែកក្កដា ឆ្នាំ២០២៤ ឯកឧត្តម ប្រាក់ ចំរើន អនុប្រធានក្រុមសមាជិកព្រឹទ្ធសភាប្រចាំភូមិភាគទី៣ (ខេត្តកណ្តាល) និងជាអនុប្រធានគណៈកម្មការទី៨ ព្រឹទ្ធសភា រួមជាមួយ លោក នុត ប៉ាត ប្រធានក្រុមប្រឹក្សាស្រុកពញាឭ បានអញ្ជើញជួបសំណេះសំណាល និងសួរសុខទុក្ខក្រុមប្រឹក្សាឃុំ ស្មៀនឃុំ មេភូមិទាំង១១ នាយប៉ុស្ត៍នគបាលរដ្ឋបាលឃុំ និងប្រធានមណ្ឌលសុខភាព ដើម្បីសិក្សាឈ្វេងយល់ពីវឌ្ឍនភាពការងារ ប្រមូលបញ្ហាប្រឈម និងសំណូមពររបស់អាជ្ញាធរមូលដ្ឋាន ស្ថិតនៅសាលាឃុំកោះចិន ស្រុកពញាឮ ខេត្តកណ្តាល។
ក្នុងឱកាសនោះ ឯកឧត្តម បានឧបត្ថម្ភជាសម្ភារៈមួយចំនួន ជូនដល់ក្រុមប្រឹក្សាឃុំ ស្មៀនឃុំ មេភូមិទាំង១១ នាយប៉ុស្តិ៍នគបាលរដ្ឋបាលឃុំ និងប្រធានមណ្ឌលសុខភាព ស្ថិតនៅឃុំកោះចិន ស្រុកពញាឮ ខេត្តកណ្តាល៕
