ក្រុមសមាជិកព្រឹទ្ធសភាប្រចាំភូមិភាគទី៤ ដឹកនាំដោយឯកឧត្តម ប៉ុល លឹម ប្រធានក្រុម និងជាអនុប្រធានគណៈកម្មការទី៤ព្រឹទ្ធសភា បានអញ្ជើញចុះជួបសំណេះសំណាលជាមួយនឹងក្រុមប្រឹក្សាឃុំ ស្មៀន នាយប៉ុស្តិ៍នគរបាលឃុំ និងអាជ្ញាធរស្រុកក្រឡាញ់ ខេត្តសៀមរាបសរុបចំនួន១៣៨នាក់។
ពិធីនេះ ប្រព្រឹត្តទៅរយៈពេលមួយព្រឹក នៅសាលាស្រុកក្រឡាញ់ ខេត្តសៀមរាប នាព្រឹកថ្ងៃចន្ទ ទី២៩ ខែកក្កដា ឆ្នាំ២០២៤ ដោយមានការអញ្ជើញចូលរួមពីឯកឧត្តមអភិបាលរងខេត្ត ឯកឧត្តមសមាជិកក្រុមប្រឹក្សាខេត្ត ស្នងការរងនគរបាលខេត្តសៀមរាប លោកអភិបាល អភិបាលរង នៃគណៈអភិបាលស្រុកក្រឡាញ់ និងប្រធានក្រុមប្រឹក្សាស្រុកក្រឡាញ់…។

ប្រភព៖ នាយកដ្ឋានព័ត៌មាន