នៅថ្ងៃទី១៥ ខែសីហា ឆ្នាំ២០២៤ ពេលព្រឹក នៅឃុំផ្គាំ និងពេលរសៀល ឃុំសារង្គ ស្រុកស្វាយចេក ខេត្តបន្ទាយមានជ័យ ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ រួមជាមួយ ឯកឧត្តម កែវ អូម៉ាលីស្ស ប្រតិភូរាជរដ្ឋាភិបាល ទទួកបន្ទុកប្រធានរដ្ឋបាលព្រៃឈើ និងជាអនុប្រធានក្រុមកាងាររាជរដ្ឋាភិបាលចុះជួយមូលដ្ឋានស្រុក លោកអភិបាលស្រុក ប្រធានក្រុមប្រឹក្សាស្រុក និងមន្ទីរ ការិយាល័យជំនាញ បានអញ្ជើញចូលរួមស្ដាប់អំពីតម្រូវការជាក់ស្តែង កង្វល់ បញ្ហាប្រឈមផ្សេងៗ នៅក្នុងទីតាំងមូលដ្ឋានឃុំទាំងពីរឃុំខាងលើរបស់ប្រជាពលរដ្ឋ។ នាឱកាសនោះក្រុមការងារ និងមន្រ្តីជំនាញ បានឆ្លើយតបដោះស្រាយ និងបញ្ជូនមន្រ្តីជំនាញចុះពិនិត្យជាក់ស្ដែង។ ដោយឡែក ចំពោះបញ្ហាប្រឈមខ្លះទៀត ក្រុមការងារនឹង ធ្វើសេចក្តីរាយការណ៍ជូនថ្នាក់ដឹកនាំតាមឋានានុក្រម ដើម្បីសុំមតិណែនាំ បន្តពិនិត្យដោះស្រាយ។
