គណៈប្រតិភូគណៈកម្មការសិទ្ធិមនុស្ស ទទួលពាក្យបណ្ដឹង និងអង្កេត នៃព្រឹទ្ធសភា (គណៈកម្មការទី១) ដឹកនាំដោយ ឯកឧត្តម ងី ច័ន្ទ្រផល ប្រធានគណៈកម្មការ អមដំណើរដោយឯកឧត្តម ងួន គ្រឿន សមាជិកក្រុមប្រឹក្សាខេត្ត ឯកឧត្តម ងិន ណែល អភិបាលនៃគណៈអភិបាលរងខេត្ត និងឯកឧត្តម វ៉ាន ដាណា តំណាងគណៈកម្មាធិការសិទ្ធិមនុស្សកម្ពុជា បានអញ្ជើញចុះជួបសំណេះសំណាលជាមួយនឹង អាជ្ញាធរស្រុកអូរយ៉ាដាវសមាជិក សមាជិកាក្រុមប្រឹក្សាឃុំបរខាំ ឃុំប៉ាតេ ឃុំលំជ័រ សហគមន៍ជនជាតិដើមភាគតិច អង្គការសង្គមស៊ីវិលជនជាតិដើមភាគតិច និងប្រជាពលរដ្ឋដែលរស់នៅជាប់ព្រំដែនតំបន់ត្រីកោណអភិវឌ្ឍន៍កម្ពុជា ឡាវ វៀតណាម (CLV-DTA) នៅសាលាស្រុកអូរយ៉ាដាវ ខេត្តរតនគិរី នារសៀលថ្ងៃទី១៨ ខែកញ្ញា ឆ្នាំ២០២៤។ បន្ទាប់មកគណៈប្រតិភូបានអញ្ជើញចុះទស្សនកិច្ចមើលបង្គោលព្រំដែនលេខ២៩ និង៣០ ក្នុងតំបន់ត្រីកោណអភិវឌ្ឍន៍កម្ពុជា ឡាវ វៀតណាម (CLV-DTA) នៃច្រកទ្វារអន្តរជាតិព្រំដែនអូរយ៉ាដាវ ដែលស្ថិតនៅភូមិប៉ក់ធំ ឃុំប៉ក់ញ៉ៃ ស្រុកអូរយ៉ាដាវ ខេត្តរតនគិរី។
ប្រភព៖ នាយកដ្ឋានព័ត៌មាន
