ឯកឧត្តម ឈើយ ចាន់ណា ជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចូលរួមអមដំណើរឯកឧត្តម កែ គឹម យ៉ាន ឧត្តមប្រឹក្សាផ្ទាល់ព្រះមហាក្សត្រ និងជាអ្នកតំណាងរាស្រ្តមណ្ឌលខេត្តបន្ទាយមានជ័យ បានអញ្ជើញជាអធិបតីដ៏ខ្ពង់ខ្ពស់ក្នុងការនាំយកនូវចង្ហាន់ បិណ្ឌបាត ទេយ្យវត្ថុ បច្ច័យ ទៅវេរប្រគេនព្រះសង្ឃគង្សចាំព្រះវស្សា
នារសៀលថ្ងៃសៅរ៍ ទី២៨ និងព្រឹកថ្ងៃទី២៩ ខែកញ្ញា ឆ្នាំ២០២៤ ជាថ្ងៃពិធីបុណ្យកាន់បិណ្ឌ-ភ្ជុំបិណ្ឌ-ប្រពៃណីជាតិខ្មែរ វេនទី១២ ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចូលរួមអមដំណើរឯកឧត្តម កែ គឹម
យ៉ាន ឧត្តមប្រឹក្សាផ្ទាល់ព្រះមហាក្សត្រ និងជាអ្នកតំណាងរាស្រ្តមណ្ឌលខេត្តបន្ទាយមានជ័យ បានអញ្ជើញជាអធិបតីដ៏ខ្ពង់ខ្ពស់ក្នុងការនាំយកនូវចង្ហាន់ បិណ្ឌបាត ទេយ្យវត្ថុ បច្ច័យ ទៅវេរប្រគេនព្រះសង្ឃគង្សចាំព្រះវស្សា នៅវត្តចមសុទ្ធាវាស (ហៅវត្តស្វាយចាស់) សង្កាត់ព្រះពន្លា ក្រុង សិរីសោភ័ណ ខេត្តបន្ទាយមានជ័យ ដោយរៀបចំពិធីបង្សុកូល ដើម្បីឧទ្ទិសបញ្ជ្ជូន កុសលផលបុណ្យទៅដល់បុព្វការីជន មានជីដូនជីតា មាតាបិតា ញាតិកាទាំង ៧សន្ដាន ដែលបានលាចាកលោកនេះកន្លងទៅ ព្រមទាំងឧទ្ទិសជូន ដួងវិញ្ញាណក្ខន្ធអ្នកស្នេហាជាតិ ដែលលោកបានពលីជីវិតក្នុង បុព្វហេតុជាតិ មាតុភូមិ និងប្រជាជន សូមលោកទាំងអស់បានយោនយកកំណើត នៅក្នុងទីឋានដ៏ខ្ពង់ខ្ពស់ កុំបីឃ្លៀងឃ្លាតឡើយ។ជាមួយគ្នានេះផងដែរក៏មានការអញ្ជើញអមដំណើរដោយ ឯកឧត្តម លោកជំទាវ អ្នកតំណាងរាស្រ្តមណ្ឌលខេត្តបន្ទាយមានជ័យ ឯកឧត្តមប្រធានក្រុមប្រឹក្សាខេត្ត និងសមាជិក ឯកឧត្តមអភិបាលខេត្តនិងអភិបាលរងខេត្ត មន្រ្តីរាជការជុំវិញខេត្តនិងពុទ្ធបរិស័ទក្នុងខេត្តយ៉ាងច្រើនកុះករ។
