ព្រឹកថ្ងៃសុក្រ ទី០៣ ខែមករា ឆ្នាំ២០២៥ ឯកឧត្តម អ៊ឹង លាងហ៊ួ សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៧ បានអញ្ជើញគោរពវិញ្ញាណក្ខន្ធ និងរំលែកមរណៈទុក្ខដ៍សោកសៅពីក្រុមគ្រួសារសពលោក ហ៊ុយ ឈឿង និវត្តជន អតីតមន្ត្រីដឹកនាំមន្ទីរអប់រំ យុវជន និងកីឡា ខេត្តកំពង់ឆ្នាំង ដែលលោកបានទទួលមរណភាពនាថ្ងៃទី០២ ខែមករា ឆ្នាំ២០២៥ ដោយរោគាពាធ។ សពត្រូវបានក្រុមគ្រួសាររៀបចំធ្វើបុណ្យឈាបនកិច្ចតាមប្រពៃណី ស្ថិតនៅគេហដ្ឋានសព ភូមិឡទឹកត្រី សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង។
