ដោយមានការអនុញ្ញាតដ៏ខ្ពង់ខ្ពស់បំផុតពី សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ឯកឧត្តមបណ្ឌិត ចែម វីឌ្យ៉ា ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន នៃព្រឹទ្ធសភា (គណៈកម្មការទី៥) បានរៀបចំសិក្ខាសាលាជម្រាបជូន ឯកអគ្គរាជ/រដ្ឋទូត និង ប្រធានបេសកកម្មការទូតប្រចាំព្រះរាជាណាចក្រកម្ពុជា បានជ្រាបអំពី «សមិទ្ធផលការទូតសភារបស់ព្រឹទ្ធសភា នៃព្រះរាជាណាចក្រកម្ពុជា នីតិកាលទី៥ នៅក្នុងឆ្នាំ ២០២៤» និងបានរៀបចំពិធីលៀងសាយភោជន៍ជូនអង្គទូតទាំងអស់ ក្រោមអធិបតីភាពឯកឧត្តមបណ្ឌិត ធន់ វឌ្ឍនា អនុប្រធានទី២ ព្រឹទ្ធសភា ។
សិក្ខាសាលាបានប្រព្រឹត្តទៅ នាថ្ងៃទី ១៣ ខែមីនា ឆ្នាំ២០២៥ វេលាម៉ោង ១០:០០ព្រឹក នៅសាលសិក្ខាសាលាខាងជើង វិមានព្រឹទ្ធសភា។
ខ្លឹមសារ៖ គណៈកម្មការទី៥ព្រឹទ្ធសភា
រូបភាព៖ នាយកដ្ឋានព័ត៌មាន
