នាព្រឹកថ្ងៃអង្គារ ទី១ ខែមេសា ឆ្នាំ២០២៥ ឯកឧត្តម អ៊ុច បូររិទ្ធ ប្រធានស្តីទីព្រឹទ្ធសភា រួមដំណើរដោយសមាជិក-សមាជិកាព្រឹទ្ធសភា បានអញ្ជើញពិនិត្យការដ្ឋានស្ថាបនាស្ពានបេតុងអាម៉េ ប្រវែង ១០៨ម៉ែត្រ ទទឹង ១០ម៉ែត្រ (ដំណាក់កាលទី១) ឆ្លងកាត់ព្រែកប្រាសាទ ដែលសាងសង់ដោយកងកម្លាំងប្រតិបត្តិការរបស់មជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព បោសសម្អាតមីន និងកាកសំណល់សង្រ្គាម និងបានអញ្ជើញសំណេះសំណាលជាមួយប្រជាពលរដ្ឋ រស់នៅក្នុងឃុំប្រាសាទ ស្រុកស្អាង ខេត្តកណ្តាល។
ក្នុងឱកាសនោះ ឯកឧត្តមប្រធានស្តីទីព្រឹទ្ធសភា បាននាំយកអំណោយមានជាកញ្ចប់ឃីត (Kit) និងថវិកា ជូនដល់អាជ្ញាធរឃុំ ប្រជាការពារឃុំ កងកម្លាំងប្រតិបត្តិការ ព្រមទាំងប្រជាពលរដ្ឋចំនួន ៤៦គ្រួសារ ដែលធ្លាប់ទទួលបានផ្ទះជាអំណោយរបស់រដ្ឋាភិបាលតួកគីយេ តាមរយៈកិច្ចសម្របសម្រួលផ្ទាល់របស់ឯកឧត្តមប្រធានស្តីទី កន្លងមក និងប្រជាពលរដ្ឋចូលរួមចំនួន ៥០០នាក់ផ្សេងទៀត…។
ប្រភព៖ នាយកដ្ឋានព័ត៌មាន
