នាព្រឹកថ្ងៃអាទិត្យ ទី២៥ ខែឧសភា ឆ្នាំ២០២៥ ឯកឧត្តម អ៊ុច បូររិទ្ធ អនុប្រធានទី១ព្រឹទ្ធសភា និងជាប្រធានក្រុមសមាជិកព្រឹទ្ធសភាភូមិភាគទី២ (ខេត្តកំពង់ចាម និងខេត្តត្បូងឃ្មុំ) និងលោកជំទាវ លឹម ទៀង បានអញ្ជើញជាអធិបតីដ៏ខ្ពង់ខ្ពស់ក្នុងពិធីបុណ្យសម្ពោធឆ្លងឧបដ្ឋានសាលា និងសមិទ្ធផលនានា ដែលដឹកនាំជួសជុលនិងកសាងបន្ថែមដោយឯកឧត្តមអនុប្រធានទី១ ផ្ទាល់ អស់ទឹកប្រាក់សរុបជាង ៦៧.០០០ដុល្លារអាម៉េរិក នៅវត្តជ្រៃបិទមាស ស្ថិតក្នុងភូមិជ្រៃបិទមាស សង្កាត់សួង ក្រុងសួង ខេត្តត្បូងឃ្មុំ។
អង្គពិធីប្រព្រឹត្តទៅដោយមានការអញ្ជើញចូលរួមពីឯកឧត្តមបណ្ឌិត ធន់ វឌ្ឍនា អនុប្រធានទី២ព្រឹទ្ធសភា សមាជិក សមាជិកាព្រឹទ្ធសភា ថ្នាក់ដឹកនាំអគ្គលេខាធិការព្រឹទ្ធសភា ទីប្រឹក្សា សមាជិកក្រុមប្រឹក្សាខេត្ត ថ្នាក់ដឹកនាំខេត្ត ស្នងការ មេបញ្ជាការកងរាជអាវុធហត្ថខេត្ត មន្ទីរជំនាញជុំវិញខេត្ត នាយករដ្ឋបាលខេត្តត្បូងឃុំ សមាជិកក្រុមប្រឹក្សាក្រុង ថ្នាក់ដឹកនាំ និងអាជ្ញាធរក្រុងសួង ប្រជាការពារ តាជី យាយជី លោកគ្រូ អ្នកគ្រូ សិស្សានុសិស្ស យុវជនកាយរិទ្ធ យុវជនកាកបាទក្រហមកម្ពុជា ព្រមទាំងប្រជាពលរដ្ឋក្នុងខេត្តកុះករ ប្រមាណជាង ២.០០០នាក់…។
ប្រភព៖ នាយកដ្ឋានព័ត៌មាន
