ឯកឧត្ដម ឈើយ ចាន់ណា ជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញយកគ្រឿងបរិភោគ (មី) ចំនួន៧០កេះ ជូនដល់រដ្ឋបាលសង្កាត់និមិត្ត ក្រុង ប៉ោយប៉ែត ខេត្តបន្ទាយមានជ័យ
នាព្រឹកថ្ងៃទី១៥ ខែមិថុនា ឆ្នាំ២០២៥ ឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ រួមជាមួយឧត្តមសេនីយ៍ទោ កែវ សេងឡាយ មេបញ្ជាការរងកងរថក្រោះអគ្គបញ្ជាការ និងជាមេបញ្ជាការជួរមុខប្រចាំទិសភូមិភាគទី៥ លោក បឹង គឹមសឹង ប្រធានមន្ទីរសេដ្ឋកិច្ច និងហិរញ្ញវត្ថុខេត្ត លោក អិន ជំនោរ នាយកអង្កការកម្ពុជានៃក្ដីសង្ឃឹម បានអញ្ជើញយកគ្រឿងបរិភោគ (មី) ចំនួន៧០កេះ ជូនដល់រដ្ឋបាលសង្កាត់និមិត្ត ក្រុង ប៉ោយប៉ែត ខេត្តបន្ទាយមានជ័យ ដើម្បីត្រៀមទុកជូនដល់បងប្អូនប្រជាពលរដ្ឋជួបការលំបាកក្នុងស្ថានភាពណាមួយដែលកើតមានឡើងជាយថាហេតុ។
