ឯកឧត្តម ឈើយ ចាន់ណា ជាសមាជិកក្រុមសមាជិកព្រឹទ្ធសភាប្រចាំភូមិភាគទី៤ បានអញ្ជើញជួបសំណេះ សំណាលសាកសួរសុខទុក្ខ និងផ្សព្វផ្សាយរបាយការណ៍ ស្ដីពីសភាពការណ៍ទូទៅឆ្នាំ២០២០ និងទិសដៅត្រូវអនុវត្តបន្តឆ្នាំ២០២១
នាព្រឹកថ្ងៃសៅរ៍ ទី២៧ ខែកុម្ភៈ ឆ្នាំ ២០២១ ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភានិងជាសមាជិកក្រុមសមាជិកព្រឹទ្ធសភាប្រចាំភូមិភាគទី៤ ឯកឧត្តម ប៉ាល់ សំអឿន និងលោកជំទាវនួម សុភ័ណ អ្នកតំណាងរាស្រ្តមណ្ឌល ខេត្តបន្ទាយមានជ័យ បានអញ្ជើញជួបសំណេះសំណាលសាកសួរសុខទុក្ខ និងផ្សព្វផ្សាយរបាយការណ៍ ស្ដីពីសភាពការណ៍ទូទៅឆ្នាំ២០២០ និងទិសដៅត្រូវអនុវត្តបន្តឆ្នាំ២០២១ ជូនដល់ក្រុមប្រឹក្សាឃុំ ស្មៀនឃុំ មេប៉ុស្តិ៍ មេភូមិប្រធានមណ្ឌលសុខភាព នាយកសាលា ឃុំតាគង់។ ឯកឧត្តម បានមានប្រសាសន៍ណែនាំសង្កត់ធ្ងន់លើបញ្ហាភូមិ ឃុំ សង្កាត់ មានសុវត្ថិភាព ពិសេសជំងឺកូវិដ-១៩ ត្រូវចូលរួមដាច់ខាតទាំងអស់គ្នាក្នុងការគោរពឲ្យបានតាមការណែនាំរបស់ក្រសួងសុខាភិបាល ហើយត្រូវចងចាំជានិច្ច ( ៣ ការពារ និង ៣ កុំ ) ចុងបញ្ចប់បានឧបត្ថម្ភជូនសារ៉ុងមួយ ដល់សមាជិក សមាជិកា ចូលរួម និងផ្តល់ថវិកាមួយចំនួនសម្រាប់កសាងសមទ្ធិផលនានានៅមូលដ្ឋាននោះផងដែរ ស្ថិតនៅសាលាឃុំតាគង់ ស្រុមម៉ាឡៃ ខេត្តបន្ទាយមានជ័យ។
