នាព្រឹកថ្ងៃទី១៧ ខែកុម្ភៈ ឆ្នាំ២០២៦ សមាគមប្រភពល្អកម្ពុជា បានចែកកញ្ចប់អាហាររ៉ម៉ាឌន ជូនដល់បុគ្គលិក លោកគ្រូ អ្នកគ្រូ នៃសាលាឥស្លាមព្រែកជ័រ ចំនួន១៧០កញ្ចប់ ក្រោមអធិបតីភាព ឯកឧត្តម ឆាយ វណ្ណា លេខាធិការគណៈកម្មការទី៣៥ព្រឹទ្ធសភា និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី២ និងឯកឧត្តម តហ៊ើរ អ៊ូម៉ើរ ទីប្រឹក្សាក្រសួងមហាផ្ទៃ និងជាប្រធានសមាគមប្រភពល្អកម្ពុជា ដោយមានការអញ្ជើញចូលរួមពីសំណាក់ លោក សុខ សារិទ្ធ អភិបាល នៃគណៈអភិបាលស្រុកតំបែរ ព្រមទាំងអាជ្ញាធរមូលដ្ឋាន ស្ថិតនៅភូមិព្រែកជរ ឃុំសេដា ស្រុកតំបែរ ខេត្តត្បូងឃ្មុំ។
អំណោយដ៏ថ្លៃថ្លានេះបានមកពីសប្បុរសជននៃរដ្ឋគុយវែត តាមរយៈសមាគមប្រភពល្អកម្ពុជា។ នាឱកាសនោះ ឯកឧត្តមសូមថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំដែលតែងតែយកចិត្តទុកដាក់ដល់បុគ្គលិក លោកគ្រូ អ្នកគ្រូ ជាពិសេសចំពោះសាលាឥស្លាមព្រែកជ័រផ្ទាល់ដែលខិតខំបង្រៀនសិស្សបានល្អ។
សម្រួលខ្លឹមសារ៖ នាយកដ្ឋានព័ត៌មាន
