ឯកឧត្តម ឡោក ឆាយ អគ្គលេខាធិការរងព្រឹទ្ធសភា បានទទួលជួបពិភាក្សាការងារជាមួយក្រុមនាំមុខ នៃលេខាធិការដ្ឋានក្រុមប្រឹក្សាសហព័ន្ធ នៃសភាសហព័ន្ធរុស្ស៊ី
នារសៀលថ្ងៃព្រហស្បតិ៍ ១០កើត ខែមាឃ ឆ្នាំច សំរឹទ្វិស័ក ព.ស ២៥៦២ ត្រូវនឹងថ្ងៃទី១៤ ខែកុម្ភៈ ឆ្នាំ២០១៩ ឯកឧត្តម ឡោក ឆាយ អគ្គលេខាធិការរងព្រឹទ្ធសភា បានទទួលជួបពិភាក្សាការងារជាមួយក្រុមនាំមុខ ដឹកនាំដោយលោកស្រី Julia MARIASHEVA អនុប្រធាននាយកដ្ឋានទំនាក់ទំនងអន្តរជាតិ នៃលេខាធិការដ្ឋានក្រុមប្រឹក្សាសហព័ន្ធ នៃសភាសហព័ន្ធរុស្ស៊ី ដើម្បីត្រៀមសម្រាប់ដំណើរទស្សនកិច្ចជាផ្លូវការរបស់លោកជំទាវ Valentina MATVIENKO ប្រធានក្រុមប្រឹក្សាសហព័ន្ធ នៃសភាសហព័ន្ធរុស្ស៊ី នៅព្រះរាជាណាចក្រកម្ពុជា៕
