khmer eng
  • ឯកឧត្តម អ៊ុ សារឹទ្ធ អញ្ជើញជាអធិបតីភាពក្នុងអង្គសិក្ខាសាលាស្តីពី ការតម្រង់ទិស និងផ្សព្វផ្សាយអាហារូបករណ៍ទៅបន្តការសិក្សា នៅប្រទេសចិន
     
    ចែករំលែក ៖

    នាព្រឹកថ្ងៃទី២៤ ខែមិថុនា ឆ្នាំ២០២៣ ឯកឧត្តម អ៊ុ សារឹទ្ធ អគ្គលេខាធិការព្រឹទ្ធសភា បានអញ្ជើញជាអធិបតីភាពក្នុងអង្គសិក្ខាសាលាស្តីពី ការតម្រង់ទិស និងផ្សព្វផ្សាយអាហារូបករណ៍ទៅបន្តការសិក្សានៅសាធារណរដ្ឋប្រជាមានិតចិន ដែលរៀបចំដោយអគ្គលេខាធិការដ្ឋានព្រឹទ្ធសភា និងសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន គាំទ្រដោយក្រសួងអប់រំ យុវជន និងកីឡា នៅវិទ្យាល័យព្រែកលៀប ខណ្ឌជ្រោយចង្វារ រាជធានីភ្នំពេញ។

    អង្គសិក្ខាសាលាដំណើរការតាមកម្មវិធី រួមមាន៖ មតិស្វាគមន៍ និងរបាយការណ៍ ដោយលោក ឆុំ សុភក្តិ នាយកវិទ្យាល័យព្រែកលៀប ចំណាប់អារម្មណ៍ និងសេចក្តីរាយការណ៍ដោយឯកឧត្តម អ៊ុំ វុទ្ធទី ស្ថាបនិក និងជាប្រធានក្រុមប្រឹក្សាភិបាល ស.ន.ក.ច និងជាជំនួយការសម្តេចវិបុលសេនាភក្តី សាយ ឈុំ ប្រធានព្រឹទ្ធសភា មតិសំណេះសំណាលបើកអង្គវេទិកាដោយ ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា ពិធីចែកសម្ភារសិក្សា ថតរូបអនុស្សាវរីយ៍ បទបង្ហាញស្តីពីបទពិសោធន៍ការរៀបចំឯកសារអាហារូបករណ៍ និងការប្រលងប្រជែងទទួលអាហារូបករណ៍នៅក្រសួងអប់រំ យុវជន និងកីឡា ដោយកញ្ញា ហុង ពេជ្របញ្ញា អនុប្រធានស.ន.ក.ច អាណត្តិទី៦ បទបង្ហាញស្តីពីបទពិសោធន៍អំពីការសិក្សា និងការរស់នៅខេត្តយូណាន ប្រទេសចិន ដោយឯកឧត្តម ញិល សូវៀត អនុប្រធានសមាជិកក្រុមប្រឹក្សាភិបាល និងជាជំនួយការសម្តេចវិបុលសេនាភក្តី សាយ ឈុំ ប្រធានព្រឹទ្ធសភា ការបង្រៀនអំពីមូលដ្ឋានគ្រឹះភាសាចិន ដោយអ្នកគ្រូ LI XUR LIN ទីប្រឹក្សាស.ន.ក.ច បទបង្ហាញស្តីពីនីតិវិធីស្នើសុំអាហារូបករណ៍ទៅបន្តការសិក្សានៅប្រទេសចិន ដោយកញ្ញា ហោ រស្មី អនុប្រធានស.ន.ក.ច អាណត្តិទី៦ ការទស្សនាឃ្លីបវីដេអូ ស្តីពីជីវិតសិក្សា និងរស់នៅរបស់និស្សិតកម្ពុជានៅប្រទេសចិន ព្រមទាំងមានសំណួរ និងចម្លើយបន្ថែមទៀតផងដែរ៕

    ប្រភព៖ នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម ឈើយ ចាន់ណា បានអញ្ជើញដាំកូនឈើ និងចែកជូនកូនឈើដល់សាលារៀនមួយចំនួនក្នុងស្រុកស្វាយចេក ខេត្តបន្ទាយមានជ័យ
    thumbnail
     
    ឯកឧត្តមបណ្ឌិត ធន់ វឌ្ឍនា ដឹកនាំកិច្ចប្រជុំរបស់គណៈកម្មការទី២ ព្រឹទ្ធសភា
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី៥ ចុះពិនិត្យស្រះទឹក និងដាំកូនឈើប្រណិត នៅស្រុកកំពង់ត្រាច ខេត្តកំពត
    thumbnail
     
    ឯកឧត្តម ស្លេះពុនយ៉ាមុីន សមាជិកព្រឹទ្ធសភា ប្រចាំភូមិភាគ២ បានចុះសួរសុខទុក្ខនិងសំណេះសំណាលជាមួយលោកគ្រូ អ្នកគ្រូខ្មែរឥស្លាមនៃអនុវិទ្យាល័យ សម្តេចតេជោ ហ៊ុនសែន
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី៥ ដឹកនាំក្រុមគ្រូពេទ្យស្ម័គ្រចិត្ត នៃសមាគមបេសកកម្មមនុស្សធម៌ នៅកម្ពុជា ចុះពិនិត្យព្យាបាលជំងឺ ជូនប្រជាពលរដ្ឋ នៅស្រុកកំពង់ត្រាច ខេត្តកំពត