khmer eng
  • អគ្គលេខាធិការដ្ឋានព្រឹទ្ធសភា បានរៀបចំកិច្ចប្រជ៉ំបូកសរុបលទ្ធផលការងារប្រចាំខែមីនា ក្រោមអធិបតីភាពឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា
     
    ចែករំលែក ៖

    នាព្រឹកថ្ងៃសុក្រ ៩រោច ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៩ ខែមីនា ឆ្នាំ២០១៩ អគ្គលេខាធិការដ្ឋានព្រឹទ្ធសភា បានរៀបចំកិច្ចប្រជ៉ំបូកសរុបលទ្ធផលការងារប្រចាំខែមីនា និងទិសដៅការងារសម្រាប់ខែមេសា ឆ្នាំ២០១៩ ក្រោមអធិបតីភាពឯកឧត្តម អ៊ុ សារឹទ្ធ អគ្គលេខាធិការព្រឹទ្ធសភា នៅសាលសិក្ខាសាលាបណ្ណាល័យព្រឹទ្ធសភា ដោយមានការចូលរួមពីថ្នាក់ដឹកនាំអង្គភាពចំណុះអគ្គលេខាធិការដ្ឋានព្រឹទ្ធសភា ចាប់ពីអនុប្រធានការិយាល័យឡើង។

    ក្នុងឱកាសនោះ ឯកឧត្តម អ៊ុ សារឹទ្ធ អគ្គលេខាធិការព្រឹទ្ធសភា បានមានប្រសាសន៍ថា ក្នុងខែមីនានេះ ថ្នាក់ដឹកនាំ និងមន្ត្រីនៃអគ្គលេខាធិការដ្ឋានព្រឹទ្ធសភា បានប្រឹងប្រែងយ៉ាងយកចិត្តទុកដាក់ ដើម្បីភាពជឿជាក់ក្នុងការផ្តល់សេវាជូនថ្នាក់ដឹកនាំសមាជិក សមាជិកាព្រឹទ្ធសភា បំពេញមុខងាររបស់ខ្លួនបានល្អប្រសើរ តាមតម្រូវការចំបាច់ ជាក់ស្តែង ប្រកបដោយភាពទទួលខុសត្រូវតាមមុខសញ្ញារៀងៗខ្លួន។

    ទន្ទឹមនឹងការងារដែលកំពុងតែមមាញឹកនេះ អគ្គលេខាធិកាដ្ឋានព្រឹទ្ធសភា នៅតែបន្តខិតខំពង្រឹងគុណភាពមន្ត្រី ដើម្បីផ្តល់ភាពស័ក្តិសិទ្ធិក្នុងការផ្តល់សេវាជូនថ្នាក់ដឹកនាំឱ្យកាន់តែល្អជាលំដាប់ តាមរយៈការកែសម្រួលរចនាសម្ព័ន្ធថ្មីរបស់អគ្គលេខាធិការដ្ឋានព្រឹទ្ធសភា ការបណ្តុះបណ្តាល ឯកទេសការសិក្សាស្រាវជ្រាវបំពញបន្ថែមការប្រើប្រាស់ប្រព័ន្ធបច្ចេកវិទ្យាព័ត៌មាន ការកសាងគោលនយោបាយថ្មីៗ និងការពង្រឹង និងពង្រីកកិច្ចសហប្រតិបត្តិការជាមួយដៃគូរអភិវឌ្ឍន៍នានា ដើម្បីព្រឹទ្ធសភាឈានឆ្ពោះទៅរកការគ្រប់គ្រង និងការរ៉ាប់រងសេវាបានគ្រប់មុខ៕


    អត្ថបទពាក់ព័ន្ធ
       អត្ថបទថ្មី
    thumbnail
     
    សភាកម្ពុជារៀបចំសិក្ខាសាលាស្តីពីស្វ័យភាពសេដ្ឋកិច្ចរបស់ស្រ្តីនៅតំបន់ជនបទ និងវិធីសាស្ត្រនៃការចរចារប្រើប្រាស់នៅក្នុងក្របខណ្ឌកិច្ចការសភា
    thumbnail
     
    ក្រុមសមាជិកព្រឹទ្ធសភា ប្រចាំភូមិភាគទី៤ បានជួបសំណេះសំណាល នាំយកអំណោយរបស់សមាគមមូលនិធិមនុស្សចាស់ ចែកជូនចាស់ជរាគ្មានទីពឹង៥៦នាក់
    thumbnail
     
    ឯកឧត្តម ម៉ម ប៊ុននាង អញ្ជើញគោរពវិញ្ញាណក្ខន្ធសពឯកឧត្តម ជៀប ស៊ីវន តំណាងរាស្ត្រមណ្ឌលរាជធានីភ្នំពេញ
    thumbnail
     
    ថ្នាក់ដឹកនាំ សមាជិក សមាជិកាព្រឹទ្ធសភាអញ្ជើញសូត្រមន្តកាន់បិណ្ឌវេនទី១៤នៅវត្តបទុមវត្តី
    thumbnail
     
    សារលិខិតរំលែកទុក្ខ របស់ គណៈកម្មការទី១០ព្រឹទ្ធសភា ជូនចំពោះលោកជំទាវ ឡាញ់ ដារ៉ា ព្រមទាំងក្រុមគ្រួសារ