នាព្រឹកថ្ងៃទី ០៤ ខែកក្កដា ឆ្នាំ ២០២១ លោកជំទាវ ឃួន ឃុនឌី សមាជិកាគណៈកម្មការទី៥ព្រឹទ្ធសភា និងជាសមាជិកា ព្រឹទ្ធសភាប្រចាំភូមិភាគទី៨ បានចុះជួបសំណេះសំណាល និងសួរសុខទុក្ខជាមួយសមាជិកក្រុមប្រឹក្សាឃុំជ័យ ស្រុកកំពង់ស្វាយ ខេត្តកំពង់ធំ ។ ក្នុងឱកាសនោះលោកជំទាវបានផ្តាផ្ញើសួរសុខទុក្ខនឹករលឹកពីសំណាក់សម្តេចវិបុលសេនាភក្តីប្រធានព្រឹទ្ធសភានៃព្រះរាជាណាចក្រកម្ពុជា ។ លោកជំទាវ បានមានប្រសាសន៍ផ្តាំផ្ញើដល់សមាជិកក្រុមប្រឹក្សាទាំងអស់ត្រូវខិតខំយកចិត្តទុកដាក់ពង្រឹងផ្តល់សេវាសាធារណៈជូនប្រជាពលរដ្ឋឱ្យបានល្អប្រសើរនិងបន្តយកចិត្តទុកដាក់ឱ្យបានម៉ឺងម៉ាត់ដើម្បីបង្ការនិងទប់ស្កាត់ការរីករាលដាលនៃជំងឺកូវីដ-១៩ ដោយត្រូវបន្តអនុវត្តន៍រួមគ្នាជាប្រចាំនូវវិធានការ៣ការពារ និង៣កុំ តាមការណែនាំរបស់ប្រមុខរាជរដ្ឋាភិបាល និងក្រសួងសុខាភិបាល។ នៅកិច្ចបញ្ចប់នៃកម្មវិធីលោកជំទាវបានឧបត្ថម្ភសម្ភារមួយចំនួនរួមមានក្រមារចំនួន៧៥ក្រមា សារ៉ុងចំនួម២៥សារ៉ុង ម៉ាស់ចំនួន១០ប្រអប់ និងសាប៊ូចំនួន៥២ដុំ ស្ថិតនៅ សាលាឃុំជ័យ ស្រុកកំពង់ស្វាយ ខេត្តកំពង់ធំ ។