ថ្ងៃពុធ ទី៧ ខែកក្កដា ឆ្នាំ២០២១ វេលាម៉ោង៩ព្រឹក ឯកឧត្តម ខៀវ មុត ប្រធានក្រុមសមាជិកព្រឹទ្ធសភាប្រចាំភូមិភាគទី៥ និងជាអនុប្រធានគណៈកម្មការទី១ព្រឹទ្ធសភា បានអញ្ជើញជួបសំណេះសំណាល សួរសុខទុក្ខជាមួយបងប្អូនប្រជាពលរដ្ឋដែលរងគ្រោះរលំផ្ទះដោយសារខ្យល់កន្រ្តាក់ចំនួន២២គ្រួសារ ស្ថិតនៅក្នុងឃុំតាភេម ស្រុកត្រាំកក់ ខេត្តតាកែវ ដោយក្នុងមួយគ្រួសារទទួលបានថវិកាឧបត្ថម្ភចំនួន១០០.០០០រៀល និងបងប្អូនប្រជាពលរដ្ឋដែលកំពុងធ្វើចត្តាឡីស័កចំនួន៣៤នាក់ ក្នុងម្នាក់ៗទទួលបានថវិកាឧបត្ថម្ភចំនួន២០.០០០រៀល។
