ឯកឧត្តម អ៊ុំ សារឹទ្ធ អញ្ជើញចុះសួរសុខទុក្ខអាជ្ញាធរសង្កាត់ក្នុងខណ្ឌជ្រោយចង្វារ
នាព្រឹកថ្ងៃសៅរ៍ ទី២៩ ខែមករា ឆ្នាំ២០២២ ឯកឧត្តម អ៊ុ សារឹទ្ធ អគ្គលេខាធិការព្រឹទ្ធសភា បានអញ្ជើញជួបសំណេះសំណាល សួរសុខទុក្ខ និងនាំយកអំណោយទៅប្រគល់ជូនអាជ្ញាធរសង្កាត់ជ្រោយចង្វារ សង្កាត់ព្រែកតាសេក និងសង្កាត់ព្រែកលៀប ក្នុងខណ្ឌជ្រោយចង្វារ រាជធានីភ្នំពេញ ដើម្បីទុកជូនអាជ្ញាធរសង្កាត់ចែកជូនប្រជាពលរដ្ឋដែលមានជីវភាពខ្វះខាត ។
អំណោយដែលយកទៅប្រគល់ជូនអាជ្ញាធរសង្កាត់ទាំងបី រួមមាន៖ សង្កាត់ជ្រោយចង្វារ និងសង្កាត់ព្រែកលៀបអង្ករចំនួន២.០០០គីឡូក្រាម មីចំនួន២០០កេសតូច សង្កាត់ព្រែកតាសេកអង្ករចំនួន ៥០០គីឡូក្រាម មីចំនួន៥០កេសតូច និងថវិកាមួយចំនួន៕
