នៅព្រឹកថ្ងៃពុធ ១កើត ខែចេត្រ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២២ ខែមីនា ឆ្នាំ២០២៣ ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ តំណាងដ៏ខ្ពង់ខ្ពស់ ឯកឧត្តម ឧបនាយករដ្ឋមន្រ្តី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន បានអញ្ជើញជាគណៈអធិបតីក្នុងពិធីសម្ពោធដាក់ឲ្យប្រើប្រាស់ជាផ្លូវការនូវកុដិ ០១ខ្នង កំពស់ ០២ជាន់ ព្រមទាំងសមិទ្ធផលនានា ក្នុងវត្តពោធិឧត្ដមរាមប្រាសាទពង្រតាផូ ស្ថិតក្នុងឃុំតាផូ ស្រុកស្វាយចេក ខេត្តបន្ទាយមានជ័យ។ ក្នុងនោះមានការអ្ជើញចូលរួមពីលោកជំទាវ ឧកញ៉ា ហេមចិន្ដាអគ្គមហាឧបាសិកាពុទ្ធសាសនូបត្ថម្ភក៍ ម៉ៅ ម៉ាល័យ កែ គឹមយ៉ាន, លោក លី សុវណ្ណារិទ្ធ អភិបាលរងខេត្ត និងសហការី លោក ង៉ាន់ ចិន្ដា ស្នងការរងនគរបាលខេត្ត និងសហការី លោក លឿង សុភក្តិ អភិបាល នៃគណ:អភិបាលស្រុកស្វាយចេក និងសហការី លោក ដា ទឹង ប្រធានប្រឹក្សាស្រុកស្វាយចេក និងបងប្អូនប្រជាពលរដ្ឋ លោកគ្រូ អ្នកគ្រូ កងកំលាំងនគរបាល លោកគ្រូ អ្នកគ្រូពេទ្យ តាជី យាយជី សិស្សានុសិស្ស សរុប៧៩៣នាក់។ សូមបញ្ជាក់ថា ថវិកាដែលបានចំណាយក្នុងការសាងសង់សមិទ្ធិផលទាំងនោះ សរុបចំនួន១០៩.៩៣៨ដុល្លារអាមេរិក។ ជាមួយគ្នានេះដែរ លោកជំទាវ ឧកញ៉ា ហេមចិន្ដាអគ្គមហាឧបាសិកាពុទ្ធសាសនូបត្ថម្ភក៍ ម៉ៅ ម៉ាល័យ កែ គឹមយ៉ាន បានជួយឧបត្ថមដំបូលផ្ទះបាយក្នុងវត្ត ដែលប្រក់ ក្បឿង មានទំហំ៩ម x ១០ម និងក្រាលការ៉ូផងដែរ។ ពិធីខាងលើរដ្ឋបាលខេត្ត ចូលរួមថវិកា ចំនួន១.៥០០.០០០រៀល និងឯកឧត្តម ឈើយ ចាន់ណា ថវិកាចំនួន២០០ដុល្លារអាមេរិក។
ឯកឧត្តម ឈើយ ចាន់ណា
