ក្រុមសមាជិកសមាជិកាព្រឹទ្ធសភា ប្រចាំភូមិភាគទី១ បានរៀបចំពិធីសូត្រមន្តចម្រើនព្រះបរិត្តនិងបួងសួងសុំពរជ័យសុខចម្រើនគ្រប់ប្រការសូមមានដល់មាតុភូមិ និងប្រជាជនកម្ពុជា ក្នុងឱកាសបុណ្យចូលឆ្នាំថ្មីប្រពៃណីជាតិ ខាងមុខនេះ
រាជធានីភ្នំពេញ ថ្ងៃពុធ ទី១២ ខែមេសា ឆ្នាំ២០២៣ វេលាម៉ោង១៥:២០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ និងលោកជំទាវ មុំ សណ្តាប់ លេខាធិការគណៈកម្មការទី៨ ព្រឹទ្ធសភា បានចូលរួមជាមួយ ឯកឧត្តម ម៉ប់ សារិន ប្រធានក្រុមប្រឹក្សារាជធានី និងថ្នាក់ដឹកនាំ នៃគណអភិបាល ព្រមទាំងមន្ត្រីរាជការ សាលារាជធានីភ្នំពេញ
ដើម្បីរៀបចំពិធីសូត្រមន្តចម្រើនព្រះបរិត្ត
និងបួងសួងសុំពរជ័យសុខចម្រើនគ្រប់ប្រការសូមមានដល់មាតុភូមិ និងប្រជាជនកម្ពុជា ក្នុងឱកាសបុណ្យចូលឆ្នាំថ្មីប្រពៃណីជាតិ ខាងមុខនេះ ឲ្យបានស្ថិតស្ថេរ ជារៀងរហូតតរៀងទៅកុំបីឃ្លៀងឃ្លាតឡើយ។
