ឯកឧត្តម ឡៅ ឆន បានទទួលកាន់បិណ្ឌ វេនទី១៣ នៅវត្តព្រៃដង្ហើម ស្ថិតក្នុងឃុំកែវពណ៌ ស្រុកពួក ខេត្តសៀមរាប
![](https://senate.gov.kh/wp-content/uploads/2023/10/16-10-2023-14.jpg)
ថ្ងៃពុធ ទី១១ និងថ្ងៃព្រហស្បត៍ ទី១២ ខែតុលា ឆ្នាំ២០២៣ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ និងលោកជំទាវ ព្រមទាំងក្រុមគ្រួសារ បានទទួលកាន់បិណ្ឌ វេនទី១៣ នៅវត្តព្រៃដង្ហើម ស្ថិតក្នុងឃុំកែវពណ៌ ស្រុកពួក ខេត្តសៀមរាប ដើម្បីប្រគេនចង្ហាន់ដល់ព្រះសង្ឃដែលបានគង់ចាំព្រះវស្សា អស់មួយត្រីមាស តាមពុទ្ធានុញ្ញាត្ត និងប្រគេនទេយ្យវត្ថុ មានអង្ករ ៥០គ.ក្រ ទឹកត្រី ទឹកសុីអុីវ ទឹកសុទ្ធ គ្រើងឧបភោគ បរិភោគ ព្រមទាំងថវិកាមួយចំនួនទុកសម្រាប់ជាចង្ហាន់ដល់ព្រះសង្ឃនៅថ្ងៃបន្ត និងទុកសម្រាប់កសាង សម្មិទ្ធិផលក្នុងទីអារាមនេះ ទ្រទ្រង់ព្រះពុទ្ធសាសនា និងដើប្បីបង្សុកូលឧទិ្ទសកុសលផលបុណ្យកើតចេញពីពិធីកាន់បិណ្ឌនេះ ដល់ជីដូន ជីតា មាតា បិតា បងប្អូនញាតិកាទាំងអស់ដែលបានចែកឋានទៅ និងសូមឧទ្ទិសដល់អស់លោក លោកស្រី វិរជន វីរនារី អ្នកស្នេហាជាតិ ដែលបានពលីជីវិតក្នុងបុព្វហេតុការពារជាតិ ការពារទឹកដី ពិសេសការពារសន្តិភាព របស់ប្រទេសកម្ពុជា សូមអស់លោកទាំងអស់បានទៅកើតនៅឋានសុគតិភពកុំបីឃ្លៀងឃ្លាតឡើយ។