នារសៀលថ្ងៃទី១៩ ខែធ្នូ ឆ្នាំ២០២៣ គណៈប្រតិភូគណៈកម្មការកិច្ចការបរទេស សហប្រតិបត្តិអន្តរជាតិ ឃោសនាការ និងព័ត៌មាននៃព្រឹទ្ធសភា (ហៅកាត់គណៈកម្មការទី៥) ដឹកនាំដោយ លោកជំទាវកិតិ្តនីតិកោសលបណ្ឌិត ទី បូរ៉ាស៊ី ប្រធានគណៈកម្មការ អមដំណើរដោយឯកឧត្តម ខៀវ រិទ្ធីផល អភិបាលរងនៃគណ:អភិបាលខេត្តកំពត បានអញ្ជើញទស្សនកិច្ចរមណីយដ្ឋានសួនបន្លែធម្មជាតិលើកំពូលភ្នំបូកគោ ស្ថិតនៅក្នុងក្រុងបូកគោ ខេត្តកំពត។
សូមបញ្ជាក់ថា សួនបន្លែធម្មជាតិលើកំពូលភ្នំបូកគោ សម្បូរបន្លែ ផ្លែឈើធម្មជាតិស្រស់ៗក្នុងសួននេះមានច្រើនប្រភេទ ដែលអាចឱ្យភ្ញៀវចូលកម្សាន្តថតរូប និងទិញយកទៅផ្ទះបាន មានសុទ្ធសឹងតែជាបន្លែ ផ្លែឈើធម្មជាតិមិនប្រើប្រាស់ជីគីមីមានច្រើនប្រភេទ ច្រើនជម្រើស ហើយកាន់តែពិសេសទៀតនោះ គឺការផ្គត់ផ្គង់បន្លែនេះ មានលក់ជូនខួបប្រាំង ខួបវស្សាតែម្ដង រួមមាន៖ ផ្លែស្តូប៊រី ស្ពៃក្ដោប សាឡាត់ ខាត់ណា ម្រះ ម្ទេសប្លោក និង បន្លែជាច្រើន ផ្សេងទៀត ត្រូវបានកសិករក្នុងសួនរៀបចំថ្នាលដាក់ជី និងបណ្ដុះ បន្តបន្ទាប់គ្នាជាហូរហែសរុបជាង៤០ប្រភេទ សម្រាប់ផ្គត់ផ្គង់នៅសណ្ឋាគារលើកំពូលភ្នំបូកគោ និងលក់ ជូនភ្ញៀវទេសចរ ពេលទៅកម្សាន្តនៅទីនោះ។
ប្រភព៖នាយកដ្ឋានព័ត៌មាន
