នារសៀលថ្ងៃទី២៣ ខែធ្នូ ឆ្នាំ ២០២៣ ឯកឧត្តម អន ស៊ុំ លេខាធិការគណៈកម្មការទី៤ ឯកឧត្តម ឈើយ ចាន់ណា លេខាធិការគណៈកម្មការទី៧ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៤ រួមជាមួយ ឯកឧត្តម ប្លែក វារី ប្រធានក្រុមប្រឹក្សាខេត្ត បានអញ្ជើញដឹកនាំមន្រ្តីរាជការ និងកងកម្លាំងក្នុងខេត្ត បន្ទាយមានជ័យ ចូលរួមគោរពវិញ្ញាណក្ខន្ធសព លោកជំទាវ តិច ដាវ៉ាន់ ត្រូវជាឧត្តមភរិយា ឯកឧត្តម សួន សុធី រដ្ឋលេខាធិការក្រសួង សង្គមកិច្ចអតីតយុទ្ធ និងយុវនីតិសម្បទា ដែលទទួលអនិច្ចកម្មកាលពីថ្ងៃទី២២ ខែធ្នូ ឆ្នាំ២០២៣ វេលាម៉ោង៧.៣០ព្រឹក ដោយរោគាពាធ ក្នុងជន្មាយុ ៦៩ឆ្នាំ។ ក្នុងវេលាដ៏សែនសោកសង្វេកនេះ គ្រប់ថ្នាក់ដឹកនាំ កងកម្លាំងបានសម្ដែងនូវក្ដីសោកស្ដាយជាពន់ពេក និងចូលរួមរំលែកមរណៈទុក្ខដ៏ក្រៀមក្រំជាមួយក្រុមគ្រួសារសព ដែលបានបាត់បង់សមាជិកគ្រួសារមួយរូប ដែលត្រូវជាភរិយា ម្ដាយ និងបងស្រីជាទីគោរពស្រលាញ់ និងឧទ្ទិសបួងសួង សូមឲ្យវិញ្ញាណខន្ធសពលោកជំទាវបានទៅកាន់សុគតិភពកុំបីឃ្លៀងឃ្លាតឡើយ។
