នាថ្ងៃសៅរ៍ ទី៣០ ខែធ្នូ ឆ្នាំ២០២៣ វេលាម៉ោង ១០:០០នាទីព្រឹក លោកជំទាវកិត្តិនីតិកោសលបណ្ឌិត ទី បូរ៉ាស៊ី ប្រធានគណៈកម្មការទី៥ ព្រឹទ្ធសភា អមដំណើរដោយលោក ស៊ឹម សុខវិបូរ ប្រធានលេខាធិការដ្ឋានសមាគមសង្គហមន្ត្រីរាជការនៃ អ.ពស បានអញ្ជើញជួបសំណេះសំណាលជាមួយលោក លោកស្រី ជាមន្ត្រីសាលាស្រុក នៅសាលប្រជុំតូចសាលាស្រុកពញាឮ ខេត្តកណ្តាល។ អញ្ជើញចូលរួមក្នុងកម្មវិធីនេះរួមមានលោក ថន សុវណ្ណា អភិបាលស្រុក លោកនុត ប៉ាត ទីប្រឹក្សាក្រសួងធនធានទឹក និងឧតុនិយម មានវត្តមានសរុបចំនួន១៥នាក់ ស្រី១នាក់។ នាឱកាសនោះលោកជំទាវប្រធាន ឧបត្ថម្ភភេសជ្ជៈចំនួនសរុប៥កេស និងជូនថវិកាម្នាក់ៗចំនួន៥០,០០០រៀល។ លោកជំទាវបានប្រសិទ្ធពរជ័យជូនលោក លោកស្រីទាំងអស់ក្នុងឱកាសចូលឆ្នាំថ្មីឆ្នាំសកល២០២៤ នូវពុទ្ធពរទាំង៤ប្រការ អាយុ វណ្ណៈ សុខៈ ពលៈ កុំបីឃ្លាងឃ្លៀតឡើយ។

ប្រភព៖ លេខាធិការដ្ឋានសមាគមសង្គហមន្ត្រីរាជការនៃ អ.ពស
ប្រភព៖ នាយកដ្ឋានព័ត៌មាន