នាព្រឹកថ្ងៃចន្ទ ទី០១ ខែមករា ឆ្នាំ២០២៤ ឯកឧត្តមកិត្តិសង្គហបណ្ឌិត ទេព ងន អនុប្រធានទី២ព្រឹទ្ធសភា នៃព្រះរាជាណាចក្រកម្ពុជា បានអញ្ជើញជាអធិបតីភាពក្នុងពិធីបូជាសពឧបាសក ជិន សារ៉ន នៅវត្តញាណរស្សី ស្ថិតក្នុងសង្កាត់បឹងកក់២ ខណ្ឌទូលគោក រាជធានីភ្នំពេញ។
ក្នុងឱកាសដ៏សែនក្រៀមក្រំនេះ ក៏មានការនិមន្តព្រះសង្ឃធ្វើពិធីស្វាធ្យាយព្រះសត្តប្បករណ៍ ដង្ហែប្រទក្សិណសពបីជុំមេរុ និងលោក ប៊ុនថន សុខាណារិទ្ធ តំណាងឱ្យក្រុមគ្រួសារសពឡើងអានវិយោគកថា និងជីវប្រវត្តិរបស់ឧបាសក ជិន សារ៉ន ព្រមទាំងគោរពវិញ្ញាណក្ខន្ធជាកិច្ចបច្ឆាមរណៈ។
ជាកិច្ចចុងក្រោយ ឯកឧត្តមកិត្តិសង្គហបណ្ឌិត ទេព ងន បានផ្តល់ភ្លើងបូជាសពឧបាសក ជិន សារ៉ន បន្ទាប់មកលោក ជិន រដ្ឋា តំណាងក្រុមគ្រួសារសពបានថ្លែងអំណរគុណដល់ភ្ញៀវកិត្តិយសទាំងអស់ដែលបានផ្ដល់កិត្តិយសអញ្ជើញចូលរួមក្នុងពិធីបុណ្យ និងបូជាសពនាពេលនេះ។
សូមជម្រាបថាឧបាសក ជិន សារ៉ន បានទទួលមរណភាពកាលពីថ្ងៃទី២៩ ខែធ្នូ ឆ្នាំ២០២៣ វេលាម៉ោង ១០:០៨ព្រឹក ដោយរោគាពាធ៕
ប្រភព៖ នាយកដ្ឋានព័ត៌មាន
