នារសៀលថ្ងៃពុធ ២កើត ខែចេត្រ ឆ្នាំថោះ បញ្ចស័ក ពុទ្ធសករាជ២៥៦៧ ត្រូវនឹងថ្ងៃទី១០ ខែមេសា ឆ្នាំ២០២៤ ឯកឧត្តមបណ្ឌិត ឈីវ យីស៊ាង នាយកខុទ្ទកាល័យសម្តេចប្រធានព្រឹទ្ធសភា បានអនុញ្ញាតឱ្យឯកឧត្តម តានិណៃ អ៊ិជិតូម៉ូ (TANINAI Ichitomo) អគ្គទីប្រឹក្សា និងជាអនុប្រធានបេសកកម្មនៃស្ថានទូតជប៉ុនប្រចាំនៅព្រះរាជាណាចក្រកម្ពុជា និងសហការី ចូលជួបសម្តែងការគួរសម និងពិភាក្សាការងារ នៅបន្ទប់ប្រជុំខុទ្ទកាល័យសម្តេចប្រធានព្រឹទ្ធសភា។
កិច្ចជំនួបពិភាក្សានេះផ្តោតសំខាន់លើការបន្តពង្រឹងពង្រីកកិច្ចសហប្រតិបត្តិការល្អរវាងព្រឹទ្ធសភាកម្ពុជា និងស្ថានទូតនិងព្រឹទ្ធសភាជប៉ុន។ ក្នុងឱកាសនោះដែរ ឯកឧត្តម តានិណៃ អ៊ិជិតូម៉ូ ក៏បានចូលរួមអបអរសាទរ ចំពោះឯកឧត្តមបណ្ឌិត ដែលត្រូវបានផ្តល់សេចក្តីទុកចិត្តពីសំណាក់ថ្នាក់ដឹកនាំជាន់ខ្ពស់ព្រឹទ្ធសភា តែងតាំងជានាយកខុទ្ទកាល័យសម្តេចប្រធានព្រឹទ្ធសភា៕
ប្រភព៖ នាយកដ្ឋានព័ត៌មាន
