ឯកឧត្តម អ៊ុច បូររិទ្ធ អនុប្រធានទី២ ព្រឹទ្ធសភា នៃព្រះរាជាណាចក្រកម្ពុជា អញ្ជើញជាអធិបតីភាពដឹកនាំកិច្ចប្រជុំក្រុមសមាជិកព្រឹទ្ធសភា សម្រាប់កិច្ចប្រជុំសភាអន្តរជាតិដើម្បីភាពអត់ឱននិងសន្តិភាព (IPTP) នាព្រឹកថ្ងៃពុធ ទី២៦ ខែមិថុនា ឆ្នាំ២០២៤ នៅសាលប្រជុំពិសេស៣ វិមានព្រឹទ្ធសភា ដោយមានការចូលរួមពីសមាជិក សមាជិកាព្រឹទ្ធសភា ឯកឧត្តមអគ្គលេខាធិការព្រឹទ្ធសភា ឯកឧត្តមនាយកខុទ្ទកាល័យអនុប្រធានទី២ ព្រឹទ្ធសភា ទីប្រឹក្សា និងជំនួយការ ដើម្បីត្រៀមលក្ខណៈចូលរួមសហការជាមួយរដ្ឋសភាកម្ពុជា ក្នុងការរៀបចំទទួលធ្វើជាម្ចាស់ផ្ទះនិងប្រធានសម័យប្រជុំពេញអង្គលើកទី១១ នៃសភាអន្តរជាតិដើម្បីភាពអត់ឱននិងសន្តិភាព (IPTP) ដែលនឹងប្រព្រឹត្តទៅនៅរាជធានីភ្នំពេញ ថ្ងៃទី២៣-២៦ ខែវិច្ឆិកា ឆ្នាំ២០២៤ ដោយផ្តោតលើរបៀបវារៈ៖ ទី១-ពិនិត្យលើវឌ្ឍនភាពស្តីពីការត្រៀមរៀបចំសម័យប្រជុំពេញអង្គ នៃ IPTP។
២- ពិនិត្យពិភាក្សាលើកម្មវិធីបណ្តោះអាសន្ននៃសម័យប្រជំពេញអង្គ និងកិច្ចប្រជុំពាក់ព័ន្ធ និងតួនាទីភារកិច្ចរបស់ព្រឹទ្ធសភា ក្នុងកិច្ចសហការនិងការចូលរួមជាមួយរដ្ឋសភា។
៣- បញ្ហាផ្សេងៗ
ប្រភព៖ នាយកដ្ឋានព័ត៌មាន
