សមាជិក សមាជិកាព្រឹទ្ធសភា នៃព្រះរាជាណាចក្រកម្ពុជា បានអញ្ជើញចូលរួមសម័យប្រជុំពេញអង្គវគ្គទី២ ស្តីពីការពង្រឹងពហុភាគីនិយម កិច្ចសហប្រតិបត្តិការ និងភាពជាដៃគូសម្រាប់សហត្ថិភាព និងការតភ្ជាប់បកបដោយបរិយាប័ន្ន ក្រោមអធិបតីភាពឯកឧត្តម Ek Nath Dhakal សមាជិកសភានេប៉ាល់ ប្រធានដឹកនាំ និងលោកជំទាវ Margarita Restrepo ប្រធានមហាសន្និបាត GCTP ជាសហប្រធានសម័យ​ប្រជុំពេញអង្គពេញ IPTP វគ្គទី២ ដែលសភាកម្ពុជាធ្វើជាម្ចាស់ផ្ទះ នៅសណ្ឋាគារសុខា រាជធានីភ្នំពេញ នាព្រឹកថ្ងៃទី២៥ ខែវិច្ឆិកា ឆ្នាំ២០២៤។

ក្នុងសម័យប្រជុំវគ្គទី២នេះ មានការឡើងថ្លែងសុន្ទរកថាដោយ៖
-ឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១ រដ្ឋសភា នៃព្រះរាជាណាចក្រកម្ពុជា
-ឯកឧត្តម Rolando Gonzalez Patricio ប្រធានគណៈកម្មការ
ទំនាក់ទំនងបរទេសនៃរដ្ឋសភាគុយបា និងជាប្រធានសភាអាមេរិកឡាទីន (PARLATINO)
-លោកជំទាវ Fabiana Gabriela Martin ប្រធានសភា Mercosur (PARLASUR)
-ឯកឧត្តម Gustavo Pacheco ប្រធានសភាអង់ឌៀន (PALARDINO)។

ក្រៅពីនេះ ក៏មានកាធ្វើបទបង្ហាញស្តីពី៖
-តួនាទីរបស់ស្ត្រីក្នុងការកសាងសន្តិភាពផ្អែកលើយេនឌ័រ ដោយលោកជំទាវ
Margarita Restrepo ប្រធានមហាសន្និបាត GCTP
-ការកសាងប្រទេសក្រោយសង្គ្រាមនៅកូរ៉េ ដោយ ឯកឧត្តម Kim Deog-ryong
ប្រធានមូលនិធិបណ្តាញកូរ៉េសកល
-សន្តិសហវិជ្ជមានរវាងមនុស្សនិងម៉ាស៊ីនក្នុងសម័យឌីជីថលដោយឯកឧត្តមសាស្ត្រាចារ្យ ឆែម គាត់រិទ្ធី ទេសរដ្ឋមន្ត្រីទទួលបន្ទុកបេសកកម្មពិសេស
-ការអភិវឌ្ឍប្រកបដោយចីរភាពឆ្លើយតបនឹងការបម្រែបម្រួលអាកាសធាតុ ដោយ
លោក Amir Goraya ប្រធានផ្នែកអភិបាលកិច្ចនៃកម្មវិធីអភិវឌ្ឍន៍សហប្រជាជាតិ
ប្រចាំកម្ពុជា (UNDP)
-ការកសាងសន្តិភាពក្រោយសង្គ្រាម និងសមាហរណកម្មអន្តរជាតិ ដោយឯកឧត្តម
បណ្ឌិតសភាចារ្យ សុក ស៊ីផាន់ណា ទេសរដ្ឋមន្ត្រីទទួលបន្ទុកបេសកកម្មពិសេស
-ព្រមទាំងបទអន្តរាគមន៍ដោយសមាជិកសភា/ភ្ញៀវរបស់ម្ចាស់ផ្ទះផងដែរ…។

ប្រភព៖ នាយកដ្ឋាន​ព័ត៌មាន