នាព្រឹកថ្ងៃចន្ទ ទី០៩ ខែធ្នូ ឆ្នាំ២០២៤ លោកជំទាវ ឃួន ឃុនឌី អនុប្រធានក្រុមសមាជិកព្រឹទ្ធសភាប្រចាំភូមិភាគទី៨ (ខេត្តកំពង់ធំ ក្រចេះ ព្រះវិហារ ស្ទឹងត្រែង រតនគិរី និងខេត្តមណ្ឌលគិរី) បានសហការជាមួយក្រុមគ្រូពេទ្យសមាគមបេសកកម្មមនុស្សធម៌នៃប្រទេសបារាំងប្រចាំនៅកម្ពុជា អញ្ជើញចុះជួបសំណេះសំណាល និងពិនិត្យ ព្យាបាលជំងឺទូទៅដោយមិនយកកម្រៃជូនប្រជាពលរដ្ឋ នៅឃុំនីពេជ ស្រុកកំពង់ស្វាយ ខេត្តកំពង់ធំ ដែលមានរយៈពេល០២ថ្ងៃ គឺចាប់ពីថ្ងៃទី០៩ ដល់ថ្ងៃទី១០ ខែធ្នូ ឆ្នាំ២០២៤។
ក្នុងឱកាសនោះ លោកជំទាវ អនុប្រធានក្រុម ក៏បាននាំយកក្រម៉ា និងទឹកបរិសុទ្ធ ចែកជូនក្រុមគ្រូពេទ្យសមាគមបេសកកម្មមនុស្សធម៌នៃប្រទេសបារាំងប្រចាំនៅកម្ពុជា ព្រមទាំងបានឧបត្ថម្ភថវិកាមួយចំនួនជូនដល់ឃុំនីពេជ ដើម្បីប្រើប្រាស់ក្នុងការងារមនុស្សធម៍ផងដែរ…។
ប្រភព៖ នាយកដ្ឋានព័ត៌មាន
