នាព្រឹកថ្ងៃទី២៦ ខែធ្នូ ឆ្នាំ២០២៤ លោកជំទាវ ឃួន ឃុនឌី សមាជិកាគណៈកម្មការទី៨ ព្រឹទ្ធសភា និងជាអនុប្រធានក្រុមសមាជិកព្រឹទ្ធសភាប្រចាំភូមិភាគទី៨ បានអញ្ជើញជួបសំណេះសំណាលជាមួយសិស្សានុសិស្ស លោកគ្រូ អ្នកគ្រូ សរុបចំនួន ២១១នាក់ នៃវិទ្យាល័យទួលក្បិល ឃុំកំពង់ស្វាយ ស្រុកកំពង់ស្វាយ ខេត្តកំពង់ធំ ដែលអញ្ជើញមកទស្សនកិច្ចសិក្សានៅសាលាក្តីខ្មែរក្រហម សារមន្ទីរ ទួលស្លែង និងវិមានឈ្នះឈ្នះ រាជធានីភ្នំពេញ ដើម្បីឱ្យសិស្សានុសិស្សស្វែងយល់អំពីរបបប្រល័យពូជសាសន៍ ប៉ុល ពត ៣ឆ្នាំ ៨ខែ ២០ថ្ងៃ និងឱ្យមេីលឃេីញអំពីការតស៊ូ លះបង់របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា ទេីបទទួលបាននូវសុខសន្តិភាពរហូតដល់បច្ចុប្បន្ន។
ក្នុងឱកាសនេះដែរ លោកជំទាវ បានឧបត្ថម្ភដល់សិស្សានុសិស្ស២០០នាក់ ដោយម្នាក់ៗទទួលបានថវិកាចំនួន ១ម៉ឺនរៀល និងលោកគ្រូ អ្នកគ្រូចំនួន១១នាក់ ដោយម្នាក់ៗទទួលបានថវិកាចំនួន ៤ម៉ឺនរៀល។
