នាថ្ងៃសុក្រ ទី១១ ខែកក្កដា ឆ្នាំ២០២៥ នៅវិមានលុចសំបួ ព្រឹទ្ធសភាបារាំង ក្នុងឱកាសកិច្ចប្រជុំប្រចាំឆ្នាំលើកទី៥០ នៃសភាប្រើភាសាបារាំង ឯកឧត្តម អ៊ុំ សារឹទ្ធ ប្រធានគណៈកម្មការទី៩ព្រឹទ្ធសភា និងជាប្រធានគណៈកម្មការកិច្ចការសភានៃក្រុមសភាជាតិកម្ពុជា នៃសភាប្រើភាសាបារាំង បានអញ្ជើញចូលរួមពិធីបើកកិច្ចប្រជុំគណៈកម្មការកិច្ចការសភា ក្រោមអធិបតីភាព ឯកឧត្តម GérardLARCHER ប្រធានព្រឹទ្ធសភាបារាំង និងបានបន្តអញ្ជើញចូលរួមកិច្ចប្រជុំគណៈកម្មការកិច្ចការសភា ក្រោមការដឹកនាំ លោក Joël GODIN សមាជិករដ្ឋសភាកាណាដា និងជាប្រធានគណៈកម្មការកិច្ចការសភានៃសភាប្រើភាសាបារាំង ដោយបានពិភាក្សាលើរបៀបវារៈចំនួន១១។
ក្នុងអំឡុងនោះដែរ ឯកឧត្តម អ៊ុ សារឹទ្ធបានថ្លែងអន្តរាគមន៍ចំនួនពីរ៖
១-បច្ចុប្បន្នភាពសភាកម្ពុជា។
២-ការពិនិត្យឡើងវិញនូវក្រមសីលធម៌នៅក្នុងសភាហ្រ្វង់កូហ្វូន ដោយបានសហការជាមួយ បណ្តាញហ្រ្វង់កូហ្វូនសីលធម៌ និងក្រមសីលធម៌សមាជិកសភា។
លោក Joël GODIN និងអង្គប្រជុំ បានវាយតម្លៃខ្ពស់ នូវបទអន្តរាគមន៍ ដែល ឯកឧត្តម អ៊ុ សារឹទ្ធ បានលើកឡើង។
ប្រភព៖ នាយកដ្ឋានកិច្ចការហ្រ្វង់កូហ្វូន
