ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចូលរួមជាមួយក្រុមប្រឹក្សាសង្កាត់ទឹកល្អក់ទី២
ថ្ងៃសុក្រ ទី២ ខែមេសា ឆ្នាំ២០២១ វេលាម៉ោង៨:០០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចូលរួមជាមួយក្រុមប្រឹក្សាសង្កាត់ទឹកល្អក់ទី២ ដែលកំពុងខិតខំក្នុងការបន្តអនុវត្តវិធានការណ៍ ៣ការពារ ៣កុំ និងចូលរួមក្នុងយុទ្ធនាការចាក់វ៉ាក់សាំងប្រឆាំងវីរុសកូវីដ-១៩ របស់រាជរដ្ឋាភិបាល។ នាឱកាសនោះ ឯកឧត្តម បានផ្តាំផ្ញើដល់អាជ្ញាធរឱ្យខិតខំបន្តទៀតក្នុងការផ្សព្វផ្សាយវិធានការណ៍នានា របស់រាជរដ្ឋាភិបាល ពិសេសសេចក្តីសម្រចលេខ ០៦៨/២១/សសរ ស្តីពីការអនុវត្តវិធានការរដ្ឋបាលជាបណ្តះអាសន្ន ដើម្បីទប់ស្កាត់ការរីរាលដាលជំងឺកូវីដ-១៩ នៅក្នុងភូមិសាស្ត្ររាជធានីភ្នំពេញ និងបានឧបត្ថម្ភថវិកាលើកទឹកចិត្តលោកពុកអ្នកម៉ែក្នុងសមាគមមនុស្សចាស់ បន្តចូលរួមឱ្យបានជាប់ជាប្រចាំក្នុងការថែទាំសុខភាពផ្ទាល់ខ្លួន ក្រុមគ្រួសារ និងសហគមន៍ ស្ថិតនៅសាលាសង្កាត់ទឹកល្អទី២ ខណ្ឌទួលគោក រាជធានីភ្នំពេញ។
