នាព្រឹកថ្ងៃចន្ទ ១១រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៣ ខែមេសា ឆ្នាំ២០២៦ ឯកឧត្តមបណ្ឌិត ឈីវ យីស៊ាង បានដឹកនាំឯកឧត្តមសមាជិកគណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន នៃព្រឹទ្ធសភា (គណៈកម្មការទី៥) ចូលជួបសម្តែងការគួរសម និងគោរពជូនពរឯកឧត្តម អ៊ុច បូររិទ្ធ ប្រធានស្តីទីព្រឹទ្ធសភា ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ព.ស.២៥៧០ គ.ស.២០២៦។
ក្នុងឱកាសដ៏វិសេសវិសាល ឯកឧត្តមសូមលើកហត្ថាប្រណមបួងសួង ដល់គុណបុណ្យព្រះរតនត្រ័យ និងវត្ថុស័ក្តសិទ្ធិដ៏មានប្ញទ្ធិបារមីគ្រប់ទិសទី ជាពិសេស ទេវតាឆ្នាំថ្មីព្រះនាម រាក្សសាទេវី សូមតាមជួយបីបាច់ថែរក្សា ប្រោះព្រំ ប្រសិទ្ធីពរជ័យ សិរីមហាប្រសើរ សូមកើតមានដល់ឯកឧត្តម លោកជំទាវ និងជូនគ្រប់សមាជិកក្រុមគ្រួសារ សូមមានសុខភាពល្អមាំមួន បញ្ញាវាងវៃ ប្រាថ្នាអ្វីៗសូមបានសម្រេចជោគជ័យតាមសេចក្តីប៉ងប្រាថ្នា និងសូមមានសុខសុវត្ថិភាព ក្នុងការធ្វើដំណើរជិតឆ្ងាយ៕
ខ្លឹមសារ៖ រិយាល័យជំនួយការគណៈកម្មការទី៥ព្រឹទ្ធសភា
រូបភាព៖ នាយកដ្ឋានព័ត៌មាន
